Urgutda ayol va uning ikki nafar voyaga yetmagan farzandi is gazidan zaharlanib, vafot etgani yuzasidan jinoyat ishi qo‘zg‘atildi. Bu haqda Bosh prokuror matbuot kotibi Hayot Shamsutdinov ma’lum qildi.
Idora matbuot xizmati rahbarining “Daryo” so‘roviga ko‘ra ma’lum qilishicha, 29-oktabr kuni soat 12:30 larda Urgut tumani “Chumchuqli” mahallasida yashovchi 38 yoshli N.O. hamda uning 11, 9 va 5 yoshli farzandlari qarindoshlari tomonidan uyidan qo‘lbola usulda yasalgan pechkadan sizib chiqqan is gazidan zaharlangan holda topilgan.
Zaharlanish oqibatida N.O. va uning farzandlari 11 va 5 yoshli o‘g‘il-qiz farzandi hodisa joyida vafot etgan. 9 yoshli o‘g‘li esa shifoxonaga yotqizilgan.
Holat yuzasidan 29-oktabr kuning tuman prokuraturasi tomonidan Jinoyat kodeksining 259-moddasi (yong‘in xavfsizligi qoidalarini buzish) 2-qismi “a” bandi bilan jinoyat ishi qo‘zg‘atilgan.
Eslatib otamiz, 27-oktabr kuni Past Darg‘om tumani hokimligida o‘tkazilgan brifingda FVB vakili Samarqand viloyatida 10 kun ichida is gazidan zaharlanish bilan bog‘liq 4 ta holat qayd etilgani, oqibatida sakkiz kishi vafot etganini ma’lum qilgandi.
Izoh (0)