Namangan viloyatining To‘raqo‘rg‘on tumanida o‘z qaynanasining korxonasiga o‘g‘rilikka tushgan kuyov ushlandi. Bu haqda viloyat IIB matbuot xizmati xabar berdi.
Ma’lum bo‘lishicha, shu korxonada ishlovchi 39 yoshli kuyov 25 yoshli boshqa bir fuqaro bilan bir guruh bo‘lib, 69 yoshli qaynonasining korxonasidan narxi 40 million so‘mlik 4 ming dona tayyor trikotaj mahsulotlarini o‘g‘irlab, olib chiqib ketayotgan vaqtida ushlab olingan.
Holat yuzasidan To‘raqo‘rg‘on tuman IIB huzuridagi TB tomonidan 18-oktabr kuni Jinoyat kodeksining 169-moddasi (o‘g‘rilik) 2-qismi bilan jinoyat ishi qo‘zg‘atilgan.
Avvalroq Namanganda 18 yoshli qiz qarindoshining uyidagi seyfdan 1700 dollar, 2 million so‘m va tilla uzuklarni o‘g‘irlagani haqida xabar berilgan edi.
Mavzuga doir:
Izoh (0)