Наманган вилоятининг Тўрақўрғон туманида ўз қайнанасининг корхонасига ўғриликка тушган куёв ушланди. Бу ҳақда вилоят ИИБ матбуот хизмати хабар берди.
Маълум бўлишича, шу корхонада ишловчи 39 ёшли куёв 25 ёшли бошқа бир фуқаро билан бир гуруҳ бўлиб, 69 ёшли қайнонасининг корхонасидан нархи 40 миллион сўмлик 4 минг дона тайёр трикотаж маҳсулотларини ўғирлаб, олиб чиқиб кетаётган вақтида ушлаб олинган.
Ҳолат юзасидан Тўрақўрғон туман ИИБ ҳузуридаги ТБ томонидан 18 октябрь куни Жиноят кодексининг 169-моддаси (ўғрилик) 2-қисми билан жиноят иши қўзғатилган.
Аввалроқ Наманганда 18 ёшли қиз қариндошининг уйидаги сейфдан 1700 доллар, 2 миллион сўм ва тилла узукларни ўғирлагани ҳақида хабар берилган эди.
Изоҳ (0)