Rossiyaning Sankt-Peterburg shahrida davlatlararo qidiruvda bo‘lgan 55 yoshli o‘zbekistonlik ayol qo‘lga olindi, deb xabar bermoqda “78.ru”.
U katta miqdordagi firibgarlikda ayblanmoqda. Aniqlanishicha, ayol 2018-yil avgust oyida O‘zbekistonda bo‘lgan vaqtida tanishiga uyni rasmiylashtirib berishni va’da qilib, undan 13,5 ming dollar pulini olgan. Biroq va’dasini bajarmay, pullarni o‘zlashtirib, o‘z ehtiyojlari uchun sarflab yuborgan.
Qayd etilishicha, ayol hibsga olingan. Qidiruv tashabbuskoriga uning qo‘lga olingani haqida ma’lum qilingan.
Avvalroq Sankt-Peterburgda O‘zbekiston fuqarosi 12 yoshli qizni zo‘rlashda gumonlanib qo‘lga olingandi.
Izoh (0)