Дени Вилнёвнинг «Дюна» номли фантастик блокбастери 2021 йилнинг энг кассабоп картиналаридан бири бўлди.
Жаҳон прокатида фильм 100 млн доллардан ортиқ маблағ тўплаган. Фильм сюжети, ундаги актёрларнинг ижросидан ташқари, бош қаҳрамонларнинг образи билан ҳам ўзига хосдир. Либослар бўйича рассом Жаклин Уэстнинг маълум қилишича, кийимлардан бирини кинематография тарихидаги энг қиммат костюм деб ҳисобласа ҳам бўлади. Гап фильмдаги бош қаҳрамон Леди Жессиканинг ипакдан тикилган либоси ҳақида кетяпти.
Таъкидланишича, унинг безаклари бир неча ой давомида қўл меҳнати асосида тикилган. Ребекка Фергюсон гавдалантирган қаҳрамоннинг қўлларини қоплаган, юзига тушиб турадиган мунчоқлардан иборат безакни «Дюна» жамоасининг аъзоларидан бири тўқиган. Либос бўйича рассом бундай либосни яратишда дизайнер Кристобаль Баленсиаганинг ишларидан илҳомланган. Либос учун қанча маблағ сарфлангани эса маълум эмас.
Изоҳ (0)