Belgrad—2021. Saidjamshid Ja’farov slovakiyalik bokschi ustidan to‘liq ustunlikka erishib, keyingi bosqichga yo‘l oldi

Serbiyaning Belgrad shahrida boks bo‘yicha JCh—2021 bahslarining 2-kungi bahslari bo‘lib o‘tmoqda.

-75 kg vazn toifasida Saidjamshid Ja’farov 1/32 final doirasida slovakiyalik Lukas Fernetsaga qarshi ringga ko‘tarildi. Har uchala raundda faol harakat qilgan Ja’farov hakamlar qaroriga ko‘ra g‘alaba qozonib, Jahon chempionatining keyingi bosqichiga yo‘l oldi.

Eslatib o‘tamiz, 25-oktabr kungi bahslarda Hasanboy Do‘stmatov qozog‘istonlik raqibiga imkoniyatni boy berib, musobaqa bilan xayrlashdi. Odiljon Aslonov esa jangsiz 1/16 finalga yo‘l oldi.

Asadxo‘ja Mo‘ydinxo‘jayev 25-oktabrda irlandiyalik raqibidan ustun kelgandi.