Futbol bo‘yicha Angliya Liga Kubogining 4-bosqichidan o‘rin olgan bir qator uchrashuvlar 27-oktabr, chorshanba kuni bo‘lib o‘tdi.
“Manchester Siti” safarda “Vest Hem” maydoniga safar qildi. Uchrashuvning asosiy vaqtida hisob ochilmagach, jamoalar penaltilar seriyasiga murojaat qildi. Penaltilar seriyasida esa mezbonlarning qo‘li baland keldi.
Shu tariqa Xosep Gvardiola boshqaruvidagi “Manchester Siti” musobaqa bilan xayrlashdi.
“Liverpul” ham mazkur bosqichda safarda harakat qildi. Mersisayd klubi Takumi Minamino va Divok Origining goli evaziga “Preston”dan ustun kelib, keyingi bosqich yo‘llanmasini hal qildi.
“Tottenhem” “Byornli”ni kichik hisobda taslim etgan bo‘lsa, “Lester” penaltilar seriyasida “Brayton”dan ustun keldi.
26-oktabr kuni “Chelsi” va “Arsenal” Angliya Kubogining keyingi bosqichiga yo‘l olgandi.
Angliya Liga Kubogi
4-bosqich bahslari
27-oktabr, chorshanba
“Vest Hem” – “Manchester Siti” 0:0
Penaltilar seriyasi: 1:0, 1:1, 2:1, 2:2, 3:2, 3:3, 4:3, 5:3.“Vest Hem” – Areolya, Jonson, Douson, Diop, Masuaku (Fornals, 62), Souchek, Lansini (Soufal, 82), Yarmolenko (Bouen, 62), Nobl, Vlashich (Benraxma, 62), Kressuell.
“Manchester Siti” – Steffen, Stounz, Ake, Uoker (Joau Kanselu, 46), Zinchenko, Palmer (Gabriel Jezus, 76), de Bryuyne (Grilish, 83), Mahrez (Foden, 72), Gundo‘g‘an, Sterling, Fernandinyo.
“Preston” – “Liverpul” 0:2
Gollar: 0:1 – 62 Minamino, 0:2 – 84 Origi.“Preston” – Radd, Rafferti, Lindsi, Hyuz, Kanningem (Erl, 69), Barkxuzen (Riis, 63), Makkenn (Jonson, 78), Potts, Ledson (Uaytmen, 79), van der Berg, Maguayr (Sinkleyr, 79).
“Liverpul” – Adrian, Matip (Fillips, 46), Uilyams, Gomes, Simikas, Morton, Jons (Bek, 90), Oksleyd-Chemberlen (Dikson-Bonner, 90), Minamino, Bler (Bredli, 55), Origi.
“Lester” – “Brayton” 2:2
Gollar: 1:0 – 6 Barns, 1:1 – 45 Uebster, 2:1 – 45 Lukman, 2:2 – 71 Mvepu.Penaltilar seriyasi: 1:0, 1:1, 2:1, 2:2, 3:2, 4:2.
Izoh (0)