Сербиянинг Белград шаҳрида бокс бўйича Жаҳон чемпионатининг 4-кунги баҳслари 28 октябрь, пайшанба куни бўлиб ўтди.
-67 кг вазн тоифасида ҳаракат қиладиган Асадхўжа Мўйдинхўжаев фаластинлик Аҳмед Харарага қарши рингга кўтарилди ва 5:0 ҳисобида ғалаба қозонди. Мўйдинхўжаев ҳар учала раундда ишончли ҳаракат қилди ва ҳақли равишда ғалабани қўлга киритди.
Шу тариқа Асадхўжа Мўйдинхўжаев фаластинлик рақибидан устун келган ҳолда 1/8 финалга йўлланмани қўлга киритди. Асадхўжа мусобақанинг 1/32 финал доирасида ирландиялик Брендон Маккиверни мағлуб этганди.
Эслатиб ўтамиз, амалдаги жаҳон чемпиони Миразизбек Мизахалилов америкалик боксчига мағлуб бўлиб, ўз иштирокини якунлади, 27 октябрь куни Шоҳжаҳон Абдуллаев бельгиялик боксчига қарши жангда нокаутга учради. 26 октябрь кунги баҳсларда Саиджамшид Жаъфаров словакиялик рақиби енгиб, кейинги босқич йўлланмасига эга бўлган бўлса, Ҳасанбой Дўстматов қозоғистонлик рақибига имкониятни бой бериб, мусобақа билан хайрлашди. Одилжон Аслонов эса жангсиз 1/16 финалга йўл олди.
Изоҳ (0)