Futbol bo‘yicha O‘zbekiston chempionatining 23-turidan o‘rin olgan ikki o‘yin 23-oktabr, shanba kuni bo‘lib o‘tdi.
“Qo‘qon-1912” o‘z uyida “Lokomotiv”ni qabul qildi. Mezbonlar safida ikkita golni Yakuba Bamba va Sardorbek Azimov urgan bo‘lsa, “Lokomotiv” safida Diyorjon Turopov o‘z hisobiga gol yozdirib qo‘ydi. Shu tariqa “Lokomotiv” mehmonda “Qo‘qon-1912”ga mag‘lub bo‘ldi.
G‘alabadan so‘ng “Qo‘qon-1912” jamoasi ochkolarini 32 taga yetkazib oldi va 8-o‘ringa ko‘tarildi. “Lokomotiv” esa 33 ochko bilan 7-o‘rindan joy olgan.
Yana bir o‘yinda “Mash’al” va “Navbahor” o‘zaro bahs olib bordi. Uchrashuv nursiz durang bilan yakunlandi. Hakam tomonidan qo‘shib bergan daqiqalarda Davronbek Hoshimov qizil kartochka olib, maydonni tark etdi.
Uchrashuvdan so‘ng “Mash’al” 19 ochko bilan 11-o‘ringa ko‘tarilgan bo‘lsa, “Navbahor” 33 ochko bilan 6-o‘rinni band etdi.
Superliga
23-tur bahslari
23-oktabr, shanba
“Qo‘qon-1912” — “Lokomotiv” 2:1
Gollar: 1:0 — 39 Bamba, 1:1 — 68 Turopov, 2:1 — 75 Azimov.“Qo‘qon-1912”: 96. Islomjon Abdullayev, 5. Slavko Lukich, 8. Farhodbek Bekmuratov (20. Iqboljon Malikjonov, 69), 10. Shohnazar Norbekov (9. Hamidullo Abduhamidov, 74), 13. Sardorbek Azimov, 15. Oybek Rustamov, 22. Muhammadanas Hasanov (7. Asadbek Sobirjonov, 74), 23. Aleksandr Merzlyakov, 33. Ivan Yosovich, 70. Murod Xolmuhammedov (3. Bobirjon Akbarov, 52), 91. Yakuba Bamba (11. Mo‘minjon Meliyev, 69).
“Lokomotiv”: 35. Javohir Ilyosov, 3. Islomjon Qobilov, 5. Kaxi Maharadze, 11. Temurxo‘ja Abduxoliqov, 14. Azizbek Amonov (54. Igor Chikrizov, 81), 17. Sanjar Qodirqulov (8. Javohir Sidiqov, 81), 21. G‘ulom-Haydar G‘ulomov, 27. Islom Rashidxonov (7. Sadriddin Abdullayev, 64), 28. Shuhrat Muhammadiev, 37. Sherzod Fayziyev (94. Xurshidbek Muxtorov, 64), 77. Diyorjon Turopov.
Ogohlantirishlar: Bekmurotov (3), Hasanov (33), Yosovich (39).
“Mash’al” — “Navbahor” 0:0
“Mashal”: 35. Doston To‘xtaboyev, 2. Zafarbek Akramov (77. Ibrohim No‘monov, 64), 5. Najmiddin Normurodov, 9. Oybek Nurmatov, 11. Samuel Chigoze, 13. Shahzod Shaymanov (15. Muhammadali Aliqulov, 75), 17. Jamoliddin Ubaydullayev, 22. Sirojiddin Qo‘ziyev, 23. Samandar Shukurillayev, 27. Muhammad Yo‘ldoshev (19. Qahramon Bahodirov, 75), 99. Jahongir Abdusalomov.“Navbahor”: 1. O‘tkir Yusupov, 4. Boyan Ciger, 7. Azimjon Ahmedov, 9. Ivan Solovyov, 17. Ehsoni Panshanbe, 19. Mirzohid G‘ofurov, 22. Igor Golban, 24. Davronbek Hoshimov, 70. Abbosjon G‘ulomov ( 8. Sardar Telyakov, 75), 88. Boyan Naydenov, 95. Zabihillo O‘rinboyev (20. Ibrohim G‘anixonov, 66).
Ogohlantirishlar: Shaymanov (22), Akramov (44), Hoshimov (65).
Chetlatish: Hoshimov (90+2).
Izoh (0)