O‘zbekiston dzyudo federatsiyasi matbuot xizmati Rio—2016 Olimpiadasining bronza medali sohibi Diyorberk O‘rozboyevda doping aniqlangani masalasi bo‘yicha rasmiy munosabat bildirdi.
O‘zbekiston Milliy antidoping agentligi tomonidan o‘tkazilgan tahlillardan keyin Diyorbek O‘rozboyev taqiqlangan modda iste’mol qilgani va shu sabab 3 yilga diskvalifikatsiya qilingani haqida xabar qilingandi. Unda O‘rozboyevning dzyudo bo‘yicha milliy terma jamoa a’zosi ekanligi ta’kidlab o‘tilgan. Biroq O‘zbekiston dzyudo federatsiyasi Diyorbek 2021-yilning fevral oyidan beri terma jamoa yig‘inlarida ishtirok etmayotgani sabab O‘zbekiston dzyudo milliy terma jamoasi a’zoligidan chiqarilganini ta’kidlangan. Bu haqida qaror aynan qaysi kuni chiqarilganiga izoh berilmagan.
Diyorbek O‘rozboyev milliy terma jamoa a’zosi sifatida oxirgi ishtirok etgan musobaqasi 2021-yilning 18—20-fevral kunlariga to‘g‘ri keladi. U shu sanada Tel-Avivda (Isroil) o‘tgan “Katta dubulg‘a” turnirida qatnashgan. Ushbu musobaqadan keyin bir necha bor o‘quv-mashg‘ulot yig‘iniga taklif qilinishiga qaramay, ishtirok etishni istamagan. Bu borada uning o‘zi ham, oila a’zolari ham ogohlantirilgan. O‘zi bilan profilaktik suhbatlar o‘tkazilgan. Vaziyat ijobiy tomonga o‘zgarmasa, milliy terma jamoadan chetlatilishi bo‘yicha ogohlantirish berilgan.Avvalroq belbog‘li kurash ustasi Mardondek Kimsanov va karate bo‘yicha Osiyo chempioni Nodira Jumaniyozova, sambochi Dilshod Choriyev va o‘zbekistonlik 7 nafar og‘ir atletikachi doping sababli 4 yilga, UFC jangchisi Liliya Shokirova esa 2 yil muddatga diskvalifikatsiya qilingani ma’lum bo‘lgandi.Shundan kelib chiqib Diyorbekning 2021-yilning fevralidan to shu kungacha dzyudo bilan shug‘ulanmay kelayotgani, tashkil etilgan o‘quv-mashg‘ulot yig‘inlari, xalqaro musobaqalarda ishtirok etmayotganini inobatga olgan xolda O‘zbekiston milliy terma jamoasi a’zolari ro‘yxatidan chiqarilgan.
Shu o‘rinda xabarga oydinlik kiritib ketamiz, doping-tahlil O‘zbekiston Milliy antidoping agentligi xodimlari tomonidan olingan bo‘lib, Diyorbek O‘rozboyevning Rio—2016 Olimpiadasidagi medaliga hech qanday ta’sir o‘tkazmaydi.
O‘zbekiston dzyudo federatsiyasi matbuot xizmati
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)