Angliya Premyer Ligasining 9-turidan o‘rin olgan bir qator bahslar 23-oktabr, shanba kuni bo‘lib o‘tdi.
“Chelsi” Londonda “Norvich”ni qabul qilib, raqib darvozasiga javobsiz 7 ta gol urdi. “Aristokratlar” safida Meyson Maunt het-trikni rasmiylashtirdi, shuningdek, Kallum Hadson-Odoi, Ris Jeyms va Ben Chiluell ham o‘z nomiga bittadan gol yozdirib qo‘ydi. Yana bir vaziyatda esa Maks Aarons o‘z darvozasiga gol urib qo‘ydi.
“Manchester Siti” safarda “Brayton” bilan bahs o‘tkazdi. Uchrashuvda hisob 13-daqiqada Ilkay Gundo‘g‘an tomonidan ochildi. Shundan so‘ng 28 va 31-daqiqada Fil Foden ketma-ket ikki bor gol urib, hisobni yiriklashtirdi. Jamoalar tanaffusga shu hisobda yo‘l oldi.
Ikkinchi 45 daqiqalikda mezbonlar Aleksis Mak Allisterning 11 metrlik jarima zarbasidan kiritgan goli evaziga hisobni qisqartirishga muvaffaq bo‘lgandi. Biroq Riyod Mahrez 90+5-daqiqada o‘yinnga yakuniy nuqtani qo‘ydi.
Mazkur g‘alabadan keyin Manchester klubining ochkolari 20 taga yetdi va 2-o‘ringa ko‘tarildi. Hisobida 22 ochko bo‘lgan “Chelsi” esa musobaqa jadvalini boshqarmoqda.
APL
9-tur bahslari
23-oktabr, shanba
“Chelsi” – “Norvich” 7:0
Gollar: 1:0 – 8 Maunt, 2:0 – 18 Hadson-Odoi, 3:0 – 42 Jeyms, 4:0 – 57 Chiluell, 5:0 – 62, avtogol Aarons, 6:0 – 85, penalti Maunt, 7:0 – 90+1 Maunt.“Chelsi” – Mendi, Jeyms, Tiago Silva, Ryudiger, Chaloba, Chiluell, Kovachich, Jorjinyo (Loftus-Chik, 64), Maunt, Haverts (Barkli, 70), Hadson-Odoi (Ziyesh, 70).
“Norvich” – Krul, Aarons, Henli, Gibson, Kabak, Yannulis (Uilyams, 46), Maklin, Le-Melu (Rashitsa, 46), Normann, Pukki, Sarjent (Omobamidele, 69).
Ogohlantirishlar: Le-Melu (45), Gibson (55), Normann (83).
Chetlatishlar: Gibson (65).
“Brayton” – “Manchester Siti” 1:4
Gollar: 0:1 – 13 Gundo‘g‘an, 0:2 – 28 Foden, 0:3 – 31 Foden, 1:3 – 81, penalti Mak Allister, 1:4 – 90+5 Mahrez“Brayton” – Sanches, Dank, Bern (Lempti, 57), Veltman, Kukurelya, March, Lallana, Gross (Mak Allister, 72), Moder, Trossard, Mope (Mvepu, 58).
“Manchester Siti” – Ederson, Uoker, Lyaport, Ruben Diash, Joau Kanselu, Gundo‘g‘an (Fernandinyo, 75), Bernardu Silva, Rodri, Grilish (de Bryuyne, 77), Foden, Gabriel Jezus.
Ogohlantirishlar: Uoker (22), Joau Kanselu (60), Moder (63), Lallana (70), Ederson (84).
Izoh (0)