Rossiyaning Moskva shahrida 23-oktabr tunida Bellator 269 musobaqasi bo‘lib o‘tadi.
MMA oqshomining asosiy jangi Fyodor Yemelyanenko va Timoti Jonson o‘rtasida kechadi.
45 yoshli rossiyalik MMA afsonasi ikki yil deganda ilk bor oktagonga chiqadi. Fyodor so‘nggi jangini 2019-yilning dekabrida Kuinton Jeksonga qarshi o‘tkazib, birinchi raunddagi nokaut evaziga g‘alaba qozongandi.
Timoti Jonson esa so‘nggi jangini 2021-yilning iyunida o‘tkazgandi. Og‘ir vazn toifasining vaqtinchalik chempionligi uchun kechgan jangda Jonson Valentin Moldavskiyga yutqazib qo‘ygandi.
Ushbu musobaqada shuningdek, UFC yengil vazn toifasining sobiq chempioni Habib Nurmagomedovning amakivachchasi Usmon Nurmagomedov promoushendagi ikkinchi jangini o‘tkazadi. Unga finlyandiyalik Patrik Piyetila raqib bo‘ladi.
Bellator 269 musobaqasi Toshkent vaqti bilan 21:00 da boshlanadi. Asosiy kard janglari 22:30 dan keyin start olishi kutilmoqda.
Musobaqa O‘zbekiston telekanallari orqali efirga uzatilmaydi. Jang videolarini bu yerda tomosha qilish mumkin — havola.
Asosiy kard:
- Fyodor Yemelyanenko (39-6) — Timoti Jonson (15-7);
- Vitaliy Minakov (23-1) — Said Souma (6-2);
- Usmon Nurmagomedov (13-0) — Patrik Piyetila (12-7);
- Anatoliy Tokov (29-3) — Sharaf Davlatmuradov (18-4-1).
- Kirill Sidelnikov — Rab Truesdeyl;
- Vladimir Tukov — Aymond Gux (jang bekor qilindi);
- Darina Mazdyuk — Katarzina Sadura;
- Irina Alekseyeva — Stefani Peydj;
- Brayan Mur — Nikita Mixaylov;
- Grachik Bozinyan — Aleksey Shurkevich;
- Ayden Li — Aleksandr Osetrov;
- Gaji Rabadanov — Aleksandr Belix.
Izoh (0)