Англия Премьер Лигасининг 9-туридан ўрин олган бир қатор баҳслар 23 октябрь, шанба куни бўлиб ўтди.
«Челси» Лондонда «Норвич»ни қабул қилиб, рақиб дарвозасига жавобсиз 7 та гол урди. «Аристократлар» сафида Мэйсон Маунт ҳет-трикни расмийлаштирди, шунингдек, Каллум Ҳадсон-Одои, Рис Жеймс ва Бен Чилуэлл ҳам ўз номига биттадан гол ёздириб қўйди. Яна бир вазиятда эса Макс Ааронс ўз дарвозасига гол уриб қўйди.
«Манчестер Сити» сафарда «Брайтон» билан баҳс ўтказди. Учрашувда ҳисоб 13-дақиқада Илкай Гундўған томонидан очилди. Шундан сўнг 28 ва 31-дақиқада Фил Фоден кетма-кет икки бор гол уриб, ҳисобни йириклаштирди. Жамоалар танаффусга шу ҳисобда йўл олди.
Иккинчи 45 дақиқаликда мезбонлар Алексис Мак Аллистернинг 11 метрлик жарима зарбасидан киритган голи эвазига ҳисобни қисқартиришга муваффақ бўлганди. Бироқ Риёд Маҳрез 90+5-дақиқада ўйиннга якуний нуқтани қўйди.
Мазкур ғалабадан кейин Манчестер клубининг очколари 20 тага етди ва 2-ўринга кўтарилди. Ҳисобида 22 очко бўлган «Челси» эса мусобақа жадвалини бошқармоқда.
АПЛ
9-тур баҳслари
23 октябрь, шанба
«Челси» – «Норвич» 7:0
Голлар: 1:0 – 8 Маунт, 2:0 – 18 Ҳадсон-Одои, 3:0 – 42 Жеймс, 4:0 – 57 Чилуэлл, 5:0 – 62, автогол Ааронс, 6:0 – 85, пенальти Маунт, 7:0 – 90+1 Маунт.«Челси» – Менди, Жеймс, Тиаго Сильва, Рюдигер, Чалоба, Чилуэлл, Ковачич, Жоржиньо (Лофтус-Чик, 64), Маунт, Ҳаверц (Баркли, 70), Ҳадсон-Одои (Зиеш, 70).
«Норвич» – Крул, Ааронс, Ҳенли, Гибсон, Кабак, Яннулис (Уильямс, 46), Маклин, Ле-Мелу (Рашица, 46), Норманн, Пукки, Саржент (Омобамиделе, 69).
Огоҳлантиришлар: Ле-Мелу (45), Гибсон (55), Норманн (83).
Четлатишлар: Гибсон (65).
«Брайтон» – «Манчестер Сити» 1:4
Голлар: 0:1 – 13 Гундўған, 0:2 – 28 Фоден, 0:3 – 31 Фоден, 1:3 – 81, пенальти Мак Аллистер, 1:4 – 90+5 Маҳрез«Брайтон» – Санчес, Данк, Берн (Лэмпти, 57), Велтман, Кукурелья, Марч, Лаллана, Гросс (Мак Аллистер, 72), Модер, Троссард, Мопе (Мвепу, 58).
«Манчестер Сити» – Эдерсон, Уокер, Ляпорт, Рубен Диаш, Жоау Канселу, Гундўған (Фернандиньо, 75), Бернарду Сильва, Родри, Грилиш (де Брюйне, 77), Фоден, Габриэль Жезус.
Огоҳлантиришлар: Уокер (22), Жоау Канселу (60), Модер (63), Лаллана (70), Эдерсон (84).
Изоҳ (0)