Turkiya prezidenti Rajab Toyyib Erdo‘g‘on asli Parijda tug‘ilgan filantrop va jamiyat faoli, 2017-yildan buyon Turkiyada sud hukmi o‘qilmaganiga qaramay hamon hibsda saqlanayotgan 64 yoshli Usmon Kavalani himoya qilgan mamlakatlarning elchilarini Anqaradan chiqarib yuborishi haqida ogohlantirdi. Bu haqda France 24 telekanali xabar bergan.
“Turkiyaga uning o‘ziga tegishli hududda saboq berishga urinish sizningcha qanchalik to‘g‘ri? Bu ishni qilish huquqini qayerdan oldinglar va o‘zi kimsizlar?” — degan Erdo‘g‘on.
“Men tashqi ishlar vaziriga o‘zimizga bu qadar hashamdorlikni (elchilarni mamlakat hududida qolishini) ravo ko‘ra olmasligimizni aytdim”, — deya Erdo‘g‘on so‘zlaridan iqtibos keltirgan telekanal.
France 24 18-oktabr kuni Germaniya, Daniya, Kanada, Niderlandiya, Yangi Zelandiya, Norvegiya, AQSh, Finlyandiya va Shvetsiya elchilari qo‘shma bayonotni e’lon qilgan. Unda Turkiya hukumatidan Kavala bo‘yicha masalaga tezkorlik bilan adolatli yechim topish so‘ralgan edi. Elchilar faolning hibsda saqlanishi Turkiya uchun “ko‘lanka” ekanligini qayd etgan.
Bayonot e’lon qilingan kunning ertasiga, ya’ni 19-oktabrda 10 ta mamlakatning elchilari Turkiya Tashqi ishlar vazirligiga chaqirilgan.
64 yoshli turkiyalik filantrop va Parijda yashagan faol Usmon Kavala 2017-yildan buyon hech qanday sud ayblov hukmisiz qamoqda saqlanmoqda. Unga qarshi 2013-yilda hukumatni ag‘darishga qaratilgan norozilik namoyishlarini o‘tkazish, shuningdek, 2016-yilda Turkiyada harbiy to‘ntarish uyushtirishga urinish bo‘yicha ayblovlar e’lon qilingan.
Mavzuga doir:
Izoh (0)