17-oktabr kuni O‘zbekistonda SamAuto tomonidan tashkillashtirilgan ilk travel kvestning final bosqichi bo‘lib o‘tdi. G‘olib jamoa Isuzu-Max Irbis pikapining egasi bo‘ldi.
SamAuto’dan birinchi travel kvest 3 oy davom etdi va deyarli butun O‘zbekistonni qamrab oldi. Pikap uchun final bellashuvi 2021-yilning 17-oktabrida, Bo‘stonliq tumanida bo‘lib o‘tdi.
“Biz bu yil tavakkal qilishga, bannerlar, bilbordlar shaklidagi an’anaviy reklama vositalaridan voz kechishga va Isuzu D-Max Aral Tour va D-Max Quest loyihalarini amalga oshirishga qaror qildik. Shu tariqa biz ishtirokchilarga O‘zbekistonning uncha mashhur bo‘lmagan, ammo e’tibor qaratishga arziydigan diqqatga sazovor joylarini ko‘rsatishni, ularga yaqinlari bilan avtomobilda sayyohat qilish qanchalik qiziqarli ekanligini bildiruvchi, yangi his-hayajonlarni ulashishni istadik. Axir bu ikki loyihaning maqsadi — avtoturizmga qiziqishni oshirish va iste’molchilarimizga yaqin bo‘lish. Biz buni uddaladik!
Ishonamanki, g‘olib jamoa Isuzu D-Max pikapining qulayligi, har qanday qiyinchilikdagi yo‘ldan o‘ta olishi va boshqa muhim sifatlarini munosib baholaydi. Bundan keyin ham ular noturistik yo‘nalishlarga oid sayohatlarda undan foydalanadi, o‘zi uchun yangidan yangi ufqlarni kashf etadi”, — deb sharhlaydi “SamAvto” QK MChJ marketing departamenti direktori Munisxon Israilova.
O‘tgan 3 oy mobaynida kvest ishtirokchilari Paykent shaharchasiga tashrif buyurishdi, Kitob geologiya qo‘riqxonasining qadimiy toshqotmalarini ko‘rishdi, Mo‘ynoqdagi “Kemalar qabristoni”da Orol fojiasini chuqur his qilishdi, shuningdek, Aydarko‘lning moviy yuzasidan zavqlanib, Boysundagi Darband kanyonini ko‘zdan kechirishdi. Shuningdek, ular Sarmishsoy darasi petrogliflarini o‘rgandilar va qadimiy Xorazmning Chilpiq dahma “Sukunat minorasi” balandligidan ufq manzarasini tomosha qildilar.
Finalda 81 jamoadan faqat 4 tasi qoldi. Ular:
- Oxotniki za udachey;
- Extreme;
- 3+1;
- Bushaev Travel.
Finalga chiqqan jamoalarni qo‘llab-quvvatlash uchun ularning yaqinlari va do‘stlari tashrif buyurdilar. Tadbir mehmonlari orasida, shuningdek, 18-top jamoa, blogerlar, OAV vakillari ham bo‘ldilar.
D-Max Quest’ning hal qiluvchi bosqichi his-hayajon, jo‘shqinlik, adrenalin, drayv ila Bo‘stonliq tumanida bo‘lib o‘tdi. Hayajon nafaqat ishtirokchilarda, balki besh soat mobaynida jamoalarni kuzatib turgan tomoshabinlarda ham namoyon bo‘ldi.
Vanihoyat, uzoq kutilgan g‘olib aniqlandi — bu Extreme jamoasi bo‘ldi.
“Biz xalq orasidan chiqqan oddiy jamoamiz, g‘olib bo‘lganimizga hatto ishonmaymiz ham. Tashkilotchilarga minnatdorchilik so‘zlarini alohida izhor etmoqchimiz. Siz butun loyihani tashkil etishga shunchalar jonu dilingiz bilan yondashdingiz. Biz bunaqasini birinchi marta ko‘rib turibmiz va haqiqatan ham bunday bo‘lishi mumkinligini o‘ylamagan edik. Barcha sinovlar juda keskin tarzda kechdi, ularni yana va yana bosib o‘tish niyati hali ham bizni tark etgani yo‘q. Tashkilotchilar — SamAuto, Isuzu’ga katta rahmat deymiz, biz baxtiyormiz va sizlardan minnatdormiz!”, — deya g‘olib bo‘lgan Extreme jamoasi o‘z taassurotlari bilan o‘rtoqlashdi.
“Hammasi haqqoniy bo‘ldi. Extreme, sizlar juda ajoyib jamosizlar, sizlarga omad. Shuni aytishni istardikki, biz bu loyihaga shunchaki do‘stlar bo‘lib keldik, hozir esa biz aka-ukalar, oila bo‘ldik. Endi men aniq bilaman, har qanday qiyin paytda mening yonimga keladigan va meni hech qachon tashlab qo‘ymaydigan uchta akam bor. Bu eng asosiysi! Buning uchun Isuzu va SamAuto’ga rahmat aytamiz”, — deydi ikkinchi o‘rinni egallagan “3+1” jamoasi o‘z raqiblarini tabriklab.
D-Max Quest barcha bosqichlarining foto va videosini SamAuto’ning Instagram va kompaniyaning YouTube kanalida ko‘rish mumkin.
Ma’lumot uchun
D-Max Quest — deyarli butun respublikani qamrab olgan O‘zbekistondagi birinchi travel kvest. Musobaqalarga 2021-yilning 15-iyul kuni start berildi. Kvestda ishtirok etish bepul bo‘lib, musobaqada ishtirok etishni istagan har qanday odam jamoa to‘plashi va uni ro‘yxatdan o‘tkazishi mumkin edi, avtomobilning mavjudligi majburiy emas edi.
Kvest ishtirokchilari uch oy mobaynida maroqli topshiriqlarni bajarishdi, boshqotirmalarni topishdi va o‘zlari uchun O‘zbekistonning xushmanzara, uncha mashhur bo‘lmagan joylarini kashf etishdi. Musobaqalarning guruh va final bosqichlari dam olish kunlari, ikki haftada bir marta o‘tkazildi. Jamoalar dastlab tezlikka (tanlash bosqichi, 18 ta komanda qoladi), so‘ngra o‘z guruhida ball to‘plashga (guruhiy bosqich, 8 ta komanda qoladi) o‘ynashdi. So‘ngra esa Olimpiya setkasi bo‘yicha yuqori parvozga (final bosqichi, faqat bitta jamoa — g‘olib jamoa qoladi) o‘ynashdi.
Reklama huquqi asosida.
Izoh (0)