17 октябрь куни Ўзбекистонда SamAuto томонидан ташкиллаштирилган илк travel квестнинг финал босқичи бўлиб ўтди. Ғолиб жамоа Isuzu-Max Irbis пикапининг эгаси бўлди.
SamAuto’дан биринчи travel квест 3 ой давом этди ва деярли бутун Ўзбекистонни қамраб олди. Пикап учун финал беллашуви 2021 йилнинг 17 октябрида, Бўстонлиқ туманида бўлиб ўтди.
«Биз бу йил таваккал қилишга, баннерлар, билбордлар шаклидаги анъанавий реклама воситаларидан воз кечишга ва Isuzu D-Max Aral Tour ва D-Max Quest лойиҳаларини амалга оширишга қарор қилдик. Шу тариқа биз иштирокчиларга Ўзбекистоннинг унча машҳур бўлмаган, аммо эътибор қаратишга арзийдиган диққатга сазовор жойларини кўрсатишни, уларга яқинлари билан автомобилда сайёҳат қилиш қанчалик қизиқарли эканлигини билдирувчи, янги ҳис-ҳаяжонларни улашишни истадик. Ахир бу икки лойиҳанинг мақсади — автотуризмга қизиқишни ошириш ва истеъмолчиларимизга яқин бўлиш. Биз буни уддаладик!
Ишонаманки, ғолиб жамоа Isuzu D-Max пикапининг қулайлиги, ҳар қандай қийинчиликдаги йўлдан ўта олиши ва бошқа муҳим сифатларини муносиб баҳолайди. Бундан кейин ҳам улар нотуристик йўналишларга оид саёҳатларда ундан фойдаланади, ўзи учун янгидан янги уфқларни кашф этади», — деб шарҳлайди «SamAvto» ҚК МЧЖ маркетинг департаменти директори Мунисхон Исраилова.
Ўтган 3 ой мобайнида квест иштирокчилари Пайкент шаҳарчасига ташриф буюришди, Китоб геология қўриқхонасининг қадимий тошқотмаларини кўришди, Мўйноқдаги «Кемалар қабристони»да Орол фожиасини чуқур ҳис қилишди, шунингдек, Айдаркўлнинг мовий юзасидан завқланиб, Бойсундаги Дарбанд канёнини кўздан кечиришди. Шунингдек, улар Сармишсой дараси петроглифларини ўргандилар ва қадимий Хоразмнинг Чилпиқ даҳма «Сукунат минораси» баландлигидан уфқ манзарасини томоша қилдилар.
Финалда 81 жамоадан фақат 4 таси қолди. Улар:
- Охотники за удачей;
- Extreme;
- 3+1;
- Bushaev Travel.
Финалга чиққан жамоаларни қўллаб-қувватлаш учун уларнинг яқинлари ва дўстлари ташриф буюрдилар. Тадбир меҳмонлари орасида, шунингдек, 18-топ жамоа, блогерлар, ОАВ вакиллари ҳам бўлдилар.
D-Max Quest’нинг ҳал қилувчи босқичи ҳис-ҳаяжон, жўшқинлик, адреналин, драйв ила Бўстонлиқ туманида бўлиб ўтди. Ҳаяжон нафақат иштирокчиларда, балки беш соат мобайнида жамоаларни кузатиб турган томошабинларда ҳам намоён бўлди.
Ваниҳоят, узоқ кутилган ғолиб аниқланди — бу Extreme жамоаси бўлди.
«Биз халқ орасидан чиққан оддий жамоамиз, ғолиб бўлганимизга ҳатто ишонмаймиз ҳам. Ташкилотчиларга миннатдорчилик сўзларини алоҳида изҳор этмоқчимиз. Сиз бутун лойиҳани ташкил этишга шунчалар жону дилингиз билан ёндашдингиз. Биз бунақасини биринчи марта кўриб турибмиз ва ҳақиқатан ҳам бундай бўлиши мумкинлигини ўйламаган эдик. Барча синовлар жуда кескин тарзда кечди, уларни яна ва яна босиб ўтиш нияти ҳали ҳам бизни тарк этгани йўқ. Ташкилотчилар — SamAuto, Isuzu’га катта раҳмат деймиз, биз бахтиёрмиз ва сизлардан миннатдормиз!», — дея ғолиб бўлган Extreme жамоаси ўз таассуротлари билан ўртоқлашди.
«Ҳаммаси ҳаққоний бўлди. Extreme, сизлар жуда ажойиб жамосизлар, сизларга омад. Шуни айтишни истардикки, биз бу лойиҳага шунчаки дўстлар бўлиб келдик, ҳозир эса биз ака-укалар, оила бўлдик. Энди мен аниқ биламан, ҳар қандай қийин пайтда менинг ёнимга келадиган ва мени ҳеч қачон ташлаб қўймайдиган учта акам бор. Бу энг асосийси! Бунинг учун Isuzu ва SamAuto’га раҳмат айтамиз», — дейди иккинчи ўринни эгаллаган «3+1» жамоаси ўз рақибларини табриклаб.
D-Max Quest барча босқичларининг фото ва видеосини SamAuto’нинг Instagram ва компаниянинг YouTube каналида кўриш мумкин.
Маълумот учун
D-Max Quest — деярли бутун республикани қамраб олган Ўзбекистондаги биринчи travel квест. Мусобақаларга 2021 йилнинг 15 июль куни старт берилди. Квестда иштирок этиш бепул бўлиб, мусобақада иштирок этишни истаган ҳар қандай одам жамоа тўплаши ва уни рўйхатдан ўтказиши мумкин эди, автомобилнинг мавжудлиги мажбурий эмас эди.
Квест иштирокчилари уч ой мобайнида мароқли топшириқларни бажаришди, бошқотирмаларни топишди ва ўзлари учун Ўзбекистоннинг хушманзара, унча машҳур бўлмаган жойларини кашф этишди. Мусобақаларнинг гуруҳ ва финал босқичлари дам олиш кунлари, икки ҳафтада бир марта ўтказилди. Жамоалар дастлаб тезликка (танлаш босқичи, 18 та команда қолади), сўнгра ўз гуруҳида балл тўплашга (гуруҳий босқич, 8 та команда қолади) ўйнашди. Сўнгра эса Олимпия сеткаси бўйича юқори парвозга (финал босқичи, фақат битта жамоа — ғолиб жамоа қолади) ўйнашди.
Реклама ҳуқуқи асосида.
Изоҳ (0)