O‘zbekistonda 151 ming nafardan ortiq bola Pfizer/BioNTech vaksinasi bilan ixtiyoriy ravishda emlandi. Bu haqda Sog‘liqni saqlash vazirligi matbuot xizmati xabar qildi.
Qayd etilishicha, 2021-yilning 28-sentabridan O‘zbekiston bosh davlat sanitariya vrachi va milliy texnik immunologik ekspert komissiyasining qaroriga asosan, mamlakatda ota-onalar va vasiylarining roziligi asosida, ixtiyoriy ravishda 12 yoshdan katta bolalarni Pfizer vaksinasi bilan emlash yo‘lga qo‘yilgani haqida xabar bergandi.
14-oktabr holatiga ko‘ra, O‘zbekistonda 151 124 nafar 12 yoshdan 18 yoshgacha bo‘lgan bola Pfizer vaksinasi bilan ixtiyoriy ravishda emlandi.
Xususan, bolalarni koronavirusga qarshi emlash jarayoni Farg‘ona (37 395 doza), Andijon (22 502 doza), Namangan (21 837 doza) viloyatlarida yuqori sur’atlarda olib borilmoqda.
Izoh (0)