BMTning Qochqinlar ishi bo‘yicha boshqarmasi Afg‘oniston uchun gumanitar yordam ortilgan 3 ta samolyotni Termizga yuborishni rejalashtirayotgani to‘g‘risida xabar berilgandi. Boshqarma Twitter’dagi sahifasi orqali 15-oktabr kuni birinchi samolyot Termizga kelib qo‘nganini ma’lum qildi.
Kobulda bo‘lib turgan BMTning Qochqinlar ishi bo‘yicha boshqarmasi vakili Babar Baloxning ma’lum qilishicha, boshqarma Afg‘oniston bilan chegaradosh davlatlarda logistik markazlarni tashkil etish ustida ish olib bormoqda. Ular orqali Afg‘onistondagi 100 minglab ichki ko‘chmanchilarga favqulodda yordam ko‘rsatiladi.
“Kechalari havo sovuqlashmoqda va boshpanasiz qolgan odamlarga tezkor yordam zarur”, — deb ta’kidlagan Balox. Uning so‘zlariga ko‘ra, yordamga muhtoj afg‘onlar soni 20 million kishiga yetdi va kundan kunga oshib bormoqda.
Shuningdek, u boshqarma yuz minglab fuqarolarga favqulodda yordam ko‘rsatish uchun Afg‘oniston bilan chegaradosh mamlakatlarda logistika markazlarini yaratish ustida ish olib borayotganini ma’lum qilgan.
BMTning ogohlantirishicha, bugungi kunda afg‘on oilalarining 5 foizigina normal yeguliklar bilan ta’minlangan. Besh yoshgacha bo‘lgan bolalarning yarmidan ko‘pi to‘yib ovqatlanmayapti.
Avvalroq BMT Afg‘onistonga yordam ko‘rsatish uchun O‘zbekistonda asosiy logistika markazini ochgani, O‘zbekiston Afg‘onistonga insonparvarlik yordami yuborgani to‘g‘risida xabar berilgandi.
Izoh (0)