Safia qandolatchilik uyi asoschisi 27 yoshli Bekzod Samig‘jonov O‘zbekiston Prezidenti Shavkat Mirziyoyevga videomurojaat yo‘llab, kompaniyaning yangi zavodini saqlab qolishda yordam so‘radi. Zavod qurilishi uchun mo‘ljallangan yer mamlakat Prezidentining topshirig‘iga ko‘ra, Toshkent hokimligi qarori bilan ajratilgan. Ammo oldingi ijarachi sud orqali yerni ajratish borasidagi ushbu qarorni haqiqiy emas deb topilishiga erishgan. “Gazeta.uz” murojaatni matn ko‘rinishida taqdim etdi.
Assalomu alaykum, hurmatli Shavkat Miromonovich,Mening ismim Bekzod Samig‘jonov, yoshim 27 da, “Safia qandolatchilik uyi” oilaviy korxonasining asoschisi hisoblanaman. Ushbu biznesni bobom 1995-yilda teshikkulcha sotish orqali boshlagan. 2005-yilda onam Madina Ayupova “Medgorodok”da o‘zining birinchi qandolat do‘konini ochgan, uni “Madinadan uy pishiriqlari” deb nomlangan.
Sizning rahbarligingiz ostida amalga oshirilayotgan islohotlar sabab, tadbirkorlar uchun juda ko‘plab imkoniyatlar yaratilmoqda. O‘zbekistonda biznes olib borishning yangi yo‘nalishlari ochilyapti. Shuningdek, biz ham so‘nggi besh yil ichida ulkan marralarni zabt etdik. 2016-yilga qadar xodimlarimiz 100 kishini, savdo nuqtalarimiz esa 4 tani tashkil etgan bo‘lsa, oxirgi besh yilda 44 ta savdo nuqtasini ochdik, xodimlarimiz soni 2000 kishidan oshdi.
Qandolatchilik kompaniyamiz 500 turdagi mahsulotlarini ishlab chiqaradi va shuni ishonch bilan ayta olamanki, O‘zbekistondagi qandolat mahsulotlari xorijdagi muqobillaridan umuman farq qilmaydi.
Avgust oyida prezident va tadbirkorlar o‘rtasida ochiq muloqot bo‘lib o‘tdi. Ushbu uchrashuvda yuzlab tadbirkorlar taqdirlandi, xususan, biz ham. Kompaniyamiz eng ko‘p ish o‘rni yaratgan kompaniya sifatida mukofotga loyiq ko‘rildi. Va o‘z nutqingizda bizning asoschimiz, onam Madina Ayupova haqida gapirib, uni eng taqinli tadbirkor ayol deya ta’rifladingiz.
Biz shu qadar xursand bo‘lgan edikki, men yaqin vaqtlar ichida 10 ming ish o‘rni yaratishga o‘zimga o‘zim va’da berdim. Ko‘nglimdagi orzum — prezident bilan uchrashish edi. 2018-yil 21-dekabr kuni Yashnobod tumanidagi prezidentning tadbirkorlar bilan uchrashuvi bo‘lib o‘tdi, u yerda men ham bor edim. O‘shanda men yangi qandolatchilik fabrikasi taqdimotini o‘tkazdim. Shunda siz ushbu loyihani ma’qulladingiz va yer ajratish bo‘yicha topshiriq berdingiz. Men ushbu farbikanining taqdimotini shaxsan o‘zingizga, mutlaqo boshqa muhitda taqdim etmoqchi edim. Ammo afsuski, sharoit vaziyat boshqacha bo‘lib qoldi.
2019-yilning 23-dekabrida Toshkent shahar hokimining qarori bilan bizga 80 sotix yer ajratilgan. Shuningdek, yerning 40 sotixi davlat ehtiyojlari uchun berilgan va budjet mablag‘lari hisobiga sport majmuasi qurilgan.Shundan so‘ng, biz kerakli barcha hujjatlarni to‘pladik va qurilishga ruxsat oldik. Markaziy Osiyoda muqobili bo‘lmagan fabrikani loyihalash uchun Latviyadan mutaxassislar jalb etdik va barcha xalqaro standartlarga javob beruvchi zavodni qurdik.Ushbu yer 2016-yilda Madaniyat vazirligi tomonidan qurilish kompaniyasiga ijraga berilgan, u uzoq vaqt bo‘sh yotgan va tashlandiq holatda bo‘lgan. 2018-yil 10-may kuni Uchtepa tumaniga amalga oshirgan tashrifingiz davomida iqtisodiy ko‘rsatkichlarni yaxshilash va yangi ish o‘rinlarini yaratish maqsadida bo‘sh hamda saramasiz foydalanilayotgan yerlarni investorlarga ajratish bo‘yicha topshiriq bergan edingiz. Ushbu ro‘yxatda mazkur yer ham bor edi. Shundan keyin Vazirlar Mahkamasining qarori bilan mazkur uchastka Toshkent shahar yer fondi zaxirasiga olingan.
Foydali maydondan maksimal foydlaanish uchun biz 15 ming kvadrat metrli uch qavatli zavod qurdik. Shuningdek, ta’kidlashni xohlardimki, uzoq vaqt davomida bu yerga chiqindilar tashlangani sabab biz 18 metrli chiqindilarni kovlab, chiqarib tashlashga majbur bo‘ldik. Chiqindilarni olib ketishga 15 ming yuk mashinasi talab etildi.
Endi eng qizig‘i boshlandi. Bizga yer ajratilganidan ikki yil o‘tib, fabrikamiz qurilishi yakunlangach, oldingi ijarachi hokimlikning yerni tortib olish va uni bizga berish to‘g‘risidagi qarorini bekor qilish maqsadida sudga berdi. Birinchi sud instansiyasida hokimlik yutdi. Ikkinchi appelyatsion sudda ham hokimlik yutib chiqdi. Ammo ajablanarlisi, 2021-yilning sentabr oyida Vazirlar Mahkamasining qarori, zavodni qurish uchun ulkan mablag‘ ketganiga qaramay, Oliy sud hokimlikning ikkala qarorini ham bekor qilish bo‘yicha qaror chiqardi.Endi mazkur yerni bo‘shatib qo‘yishimiz va 4 mingta yangi ish o‘rni yaratishi mumkin bo‘lgan yangi qurgan zavodimizni o‘z mablag‘larimiz evaziga buzishni talab qilib, qurilishimizni to‘xtatib qo‘yishdi va sudga berishdi.
Bugungi kunda Oliy sud qarorini bekor qilish bo‘yicha kassatsiya da’vosi kiritganmiz.
Birgina qaror sabab 25 yillik mehnatimiz yo‘qqa chiqmoqda. Siz doim yangi O‘zbekistonda tadbirkolar halol va vijdonli bo‘lsa, doim shu kabi tadbirkorlar tarafida bo‘lishingizni aytib kelasiz.
Hurmatli Shavkat Miromonovich, Safia oilamiz nomidan bizni yolg‘iz qoldirmay, yordam berishingizni so‘raymiz.
Bekzod Samig‘jonov, Safia qandolatchilik uyi asoschisi
Izoh (0)