Ijtimoiy tarmoqda “Bizning fotograflar oldida Gollivud kaskadyorlari xijolat” izohi bilan video tarqalib, keng muhokamalarga sabab bo‘ldi. Video yuzasidan YHXBB axborot xizmati ma’lumot berdi.
Videoda yo‘lovchi o‘z salomatligini xavf ostiga qo‘ygan holda harakat vaqtida Spark rusumli avtomobil salonidan chiqib olganligi aks etgan. Video Toshkent shahar IIBB YHXB xodimlari tomonidan o‘rganilganda, ushbu holat 2021-yil 5-oktabr kuni soat 16:30 larda Yangihayot tumani hududida sodir bo‘lgani aniqlandi.
Yo‘lovchi sifatida qoidani buzgan, 1999-yilda tug‘ilgan M.M.ga nisbatan Ma’muriy javobgarlik to‘g‘risidagi kodeksning 138-moddasi to‘rtinchi qismi (transport vositasi harakatlanayotgan vaqtda yo‘lovchi tomonidan tana qismlarini (qo‘ldan tashqari) salondan chiqarish) tartibida bayonnoma rasmiylashtirildi.
Ma’lumot uchun, ushbu modda bilan javobgarlikka tortilgan shaxslarga BHMning 1 barobari miqdorida jarima tayinlanadi.
Mavzuga doir:
- Toshkentda YTH yuzaga keltirib, voqea joyidan qochib ketgan Spark topildi. Uni “prava”si bo‘lmagan ayol boshqargan
- Toshkentda 2 yil ichida rekord darajada qoidabuzarlik sodir etgan haydovchi ushlandi
- Toshkentda qoidabuzar haydovchilarni qayd etib, IIBga yuboruvchi fuqaro “samosud” qilinayotgani aytilgan videoga izoh berildi
Izoh (0)