Surxondaryoda tanishini pichoqlab qo‘ygan shaxsga nisbatan jinoiy ish ochildi

Surxondaryo viloyati Boysun tumanida yashovchi shaxs tanishini pichoqlab qo‘ydi. Bu haqda viloyat IIB axborot xizmati xabar qildi.

Ma’lum qilinishicha, Boysun tumanida 2021-yil 30-sentabr kuni soat 18:00 larda tumanning “Mustaqillik” mahallasida joylashgan fermer xo‘jaligiga tegishli bog‘ ichida tumanning “Ariq usti” mahallasida yashovchi K.I. o‘ziga tanish bo‘lgan, tumanning “Tuzbozor” mahallasida yashovchi S.Sh. bilan o‘zaro janjallashib qolib, yonida bo‘lgan pichoqcha bilan K.I.ning ko‘krak qafasi chap tomoniga bir marotaba sanchib, hayot uchun xavfli bo‘lgan og‘ir tan jarohati yetkazgan.

S.Sh.ga nisbatan 1-oktabr kuni Jinoyat kodeksining 104-moddasi 2-qismi “l” bandi (qurolni yoki sovuq qurol sifatida foydalanilishi mumkin bo‘lgan ashyolarni ishlatib, qasddan badanga og‘ir shikast yetkazish) bilan jinoyat ishi qo‘zg‘atilgan.

Bundan avval Farg‘onada homilador ayol pichoqlab, o‘ldirilgani, Qo‘qonda televizorni qaysi kanalga olish ustida yuz bergan janjal oqibatida 17 yoshli yigit akasiga 9 marta pichoq urgani hamda Samarqandda er yarashish taklifini rad etgani uchun xotini va uning akasini pichoqlagani haqida xabar berilgandi.