Оқ уйнинг собиқ матбуот котиби Стефани Гришэмнинг Дональд Трамп администрациясидаги фаолияти тўғрисида ёзган китоби 5 октябрь куни тақдим этилди. Таъкидланишича, мемуарларда АҚШнинг собиқ биринчи хонимига оид айрим фактлар ҳам келтирилган, деб хабар беради «Korrespondent.net».
Гришемнинг ёзишича, Дональд Трампнинг рафиқаси Африкадаги болалар учун улкан кўзгу сотиб олишни режалаштирган. Ушбу ғоя унга 2018 йили Малавига сафари давомида келган. Муаллифнинг сўзларига кўра, Меланияни унинг олдига болалар югуриб келиб, «қандай кўринишга эгаликларини билиш учун» суратга тушириб қўйишни сўрагани ҳайрон қолдирган.
Турдан қайтиши билан ўша вақтдаги АҚШнинг биринчи хоними давлат даражасида болалар «кучли ёки жуда чиройли» кўра олиши учун Африка мактабларига кўзгулар қўйиш таклифини билдирган.
Шунингдек, Гришэмнинг таъкидлашича, Мелания кўп вақтини фотоальбомлар устида ишлашга сарфлаган. Китобнинг 5 октябрда чиқарилган парчасида айтилишича, фотоальбомлар Меланиянинг «иккинчи фарзанди» эди.
Мелания Трампнинг 2021 йил февралида очилган офиси мемуарларга изоҳ бериб улгурган. Собиқ биринчи хонимнинг вакиллари маълум қилишича, Гришэм шунчаки «Оқ уй матбуот котиби лавозимида жуда ёмон ишлагани, шахсий муносабатлари бузилгани ва нопрофессионал хатти-ҳаракатлари ортидан қора бўлган номини оқлаб олишга уринмоқда».
Изоҳ (0)