Аfg‘onistonda 5-oktabr Toshkent vaqti bilan soat 12:59 da yuz bergan zilzila O‘zbekistonning qator hududlarida sezildi. Bu haqda FVV Seysmoprognostik monitoring Respublika markazi xabar berdi.
Qayd etilishicha, zilzila episentri Toshkentdan 616 kilometr janubi-g‘arbda joylashgan bo‘lib, o‘chog‘i 100 kilometr chuqurlikda, magnitudasi 6 ballga teng bo‘lgan.
Ushbu yerosti silkinishi O‘zbekiston hududida sezilish kuchi quyidagicha bo‘lgan:
- Surxondaryo viloyatida 3-4 ball;
- Qashqadaryo viloyatida 3 ball;
- Samarqand viloyatida 2-3 ball;
- Buxoro viloyatida 2-3 ball;
- Navoiy viloyatida 2 ball;
- Jizzax viloyatida 2 ball.
25-sentabr kuni esa Tojikistonda sodir bo‘lgan zilzila kuchi Beshariqda sezilgandi. 11-sentabr kuni esa Qozog‘istonning janubida Toshkent vaqti bilan soat 11:51 da zilzila sodir bo‘lgandi. O‘shanda Seysmoprognostik monitoring Respublika markazi zilzila O‘zbekistonda sezilmaganini ta’kidlagan, biroq ijtimoiy tarmoqlarda o‘zbekistonliklar, xususan, Toshkentda yashovchilar zilzilani sezganini ma’lum qilgandi.
Izoh (0)