Navoiy viloyatida sodir bo‘lgan yo‘l-transport hodisasi oqibatida bir tuya halok bo‘ldi, Spark va Damas avtomobillariga shikast yetdi, deb xabar beradi IIV YHXBB axborot xizmati.
Ma’lum qilinishicha, 2-oktabr kuni soat 21:00 larda viloyatning Navbahor tumani hududidan o‘tuvchi 4R-57 Qizilqum halqa davlat ahamiyatiga ega avtomobil yo‘lining 31—32-kilometrlari oralig‘ida yo‘l transport hodisasi sodir bo‘lgan.
Ma’lumotlarga ko‘ra, YTHning kelib chiqishiga Navoiydan Nurota tomon harakatlanib kelayotgan Spark tuyani urib yuborib, qarama-qarshi yo‘nalishga chiqib ketgan va Damas bilan to‘qnashgan.
Hozirda mazkur holat yuzasidan qo‘shimcha surishtiruv ishlari olib borilmoqda.
Avvalroq Namanganda Cobalt yo‘l chetidagi chuqurga tushib ketishi oqibatida yo‘lovchi halok bo‘lgani, Qashqadaryoda Damas va YPX avtomobili to‘qnashgani to‘g‘risida xabar berilgandi.
Izoh (0)