Афғонистонда 5 октябрь Тошкент вақти билан соат 12:59 да юз берган зилзила Ўзбекистоннинг қатор ҳудудларида сезилди. Бу ҳақда ФВВ Сейсмопрогностик мониторинг Республика маркази хабар берди.
Қайд этилишича, зилзила эпицентри Тошкентдан 616 километр жануби-ғарбда жойлашган бўлиб, ўчоғи 100 километр чуқурликда, магнитудаси 6 баллга тенг бўлган.
Ушбу ерости силкиниши Ўзбекистон ҳудудида сезилиш кучи қуйидагича бўлган:
- Сурхондарё вилоятида 3-4 балл;
- Қашқадарё вилоятида 3 балл;
- Самарқанд вилоятида 2-3 балл;
- Бухоро вилоятида 2-3 балл;
- Навоий вилоятида 2 балл;
- Жиззах вилоятида 2 балл.
25 сентябрь куни эса Тожикистонда содир бўлган зилзила кучи Бешариқда сезилганди. 11 сентябрь куни эса Қозоғистоннинг жанубида Тошкент вақти билан соат 11:51 да зилзила содир бўлганди. Ўшанда Сейсмопрогностик мониторинг Республика маркази зилзила Ўзбекистонда сезилмаганини таъкидлаган, бироқ ижтимоий тармоқларда ўзбекистонликлар, хусусан, Тошкентда яшовчилар зилзилани сезганини маълум қилганди.
Изоҳ (0)