Ekvadorning Guayakil qamoqxonasidagi mahbuslar o‘rtasida yuz bergan to‘qnashuvlar natijasida 116 kishi halok bo‘ldi, 80 dan ortiq odam yaralandi. Bu haqda Ekvador prezidenti Gilyermo Lassoga tayanib, Associated Press xabar berdi.
Prezident Ekvador axloq tuzatish muassasalari tizimida favqulodda holat e’lon qilib, hukumatga boshqa vakolatlar qatorida politsiya va askarlarni qamoqxonalarga yuborishga ruxsat berdi, deb yozadi AP.
Matbuot anjumani chog‘ida Lasso Guayakilda bo‘layotgan voqealar “qayg‘uli hodisa”ga aylanganini ta’kidladi. U rasmiylarning qamoqxona ustidan nazoratni qayta tiklaganiga hozircha kafolat bera olmasligini aytdi.
“Jinoiy to‘dalar qamoqxonalarni hokimiyat talashadigan maydonga aylantirayotgani achinarli”, — dedi u.
Ma’lum bo‘lishicha, hozirgi “urush” qamoqxonada hukmronlik qilish huquqi uchun Los Lobos va Los-Choneros mahbuslar to‘dasi o‘rtasida chiqqan nizoning natijasi.
Avvalroq Braziliya qamoqxonasidagi tartibsizliklar oqibatida 15 nafar mahbus halok bo‘lgani, mamlakatdagi qamoqxonadan 400 ga yaqin mahbus qochib ketgani haqida xabar berilgandi.
Izoh (0)