AQSh Xorvatiyani Amerika hududida vizasiz harakatlanish dasturiga kiritdi. Endi xorvatiyaliklar AQShga 90 kunlik muddatga vizasiz kirish imkoniyatiga ega bo‘ldi, deb yozmoqda Reuters.
O‘z navbatida, Xorvatiya bosh vaziri Andrey Plenkovich ham ushbu qarorga munosabat bildirgan.
“Biz AQSh qarorini mamnuniyat bilan qabul qilamiz. Bundan hammadan ko‘proq Xorvatiya fuqarolari foyda ko‘radi, ular AQShga vizasiz borishi mumkin. Tashqi siyosatning ushbu ustuvorligini amalga oshirish orqali biz aloqalarni yanada mustahkamlaymiz”, — deb yozgan Plenkovich Twitter’da.
Avvalroq Belarus o‘z hududida AQSh, Braziliya, Gonduras, Xitoy va Albaniya fuqarolari uchun 30 kunlik vizasiz harakatlanish rejimшni bekor qilgandi. Shu bilan birga, Eron, Pokiston, Misr, Janubiy Afrika va Iordaniya fuqarolari respublikaga vizasiz tashrif buyurishi mumkin.
Shuningdek, Ukraina va Xitoy o‘zaro vizasiz harakatlanish to‘g‘risidagi bitimni tayyorlayotgani ma’lum bo‘lgandi. Hujjatning imzolanishi ikki mamlakat fuqarolarining sayohatlari uchun maksimal qulaylik yaratadi va davlatlar o‘rtasidagi o‘zaro manfaatli hamkorlikka hissa qo‘shadi.
Izoh (0)