Barbados davlatining Yig‘ilish palatasi (parlament quyi palatasi) mamlakat konstitutsiyasiga kiritilgan o‘zgartirishlarni bir ovozdan qo‘llab-quvvatladi, unga ko‘ra Buyuk Britaniya qirolichasi Yelizaveta II endi ushbu Karib dengizi mamlakatining rahbari hisoblanmaydi, deb yozadi “TASS”.
Qayd etilishicha, 30-noyabrdan boshlab mamlakat rasman parlamentli respublikaga aylanadi.
Buyuk Britaniya qirolichasi endi Barbadosga rahbarlik qilmasligi haqida 2020-yilning noyabr oyida ma’lum bo‘lgandi. O‘shanda Barbados general-gubernatori Sara Mason bu qaror 2021-yilda orol mustaqilligining 55 yilligi nishonlanadigan kunda kuchga kirishini aytgandi.
Barbados — Buyuk Britaniya boshchiligidagi Millatlar Hamdo‘stligi davlatlararo uyushma tarkibiga kiruvchi mustaqil davlat. Davlat rahbari rasman Buyuk Britaniya qirolichasi hisoblanadi, general-gubernator uning vakili. Barbados Karib dengizining sharqiy qismida joylashgan va unda 287 mingdan ziyod aholi istiqomat qiladi. Mamlakat 1966-yil 30-noyabr kuni mustaqillikka erishgan.
Izoh (0)