Барбадос давлатининг Йиғилиш палатаси (парламент қуйи палатаси) мамлакат конституциясига киритилган ўзгартиришларни бир овоздан қўллаб-қувватлади, унга кўра Буюк Британия қироличаси Елизавета II энди ушбу Кариб денгизи мамлакатининг раҳбари ҳисобланмайди, деб ёзади «ТАСС».
Қайд этилишича, 30 ноябрдан бошлаб мамлакат расман парламентли республикага айланади.
Буюк Британия қироличаси энди Барбадосга раҳбарлик қилмаслиги ҳақида 2020 йилнинг ноябрь ойида маълум бўлганди. Ўшанда Барбадос генерал-губернатори Сара Масон бу қарор 2021 йилда орол мустақиллигининг 55 йиллиги нишонланадиган кунда кучга киришини айтганди.
Барбадос — Буюк Британия бошчилигидаги Миллатлар Ҳамдўстлиги давлатлараро уюшма таркибига кирувчи мустақил давлат. Давлат раҳбари расман Буюк Британия қироличаси ҳисобланади, генерал-губернатор унинг вакили. Барбадос Кариб денгизининг шарқий қисмида жойлашган ва унда 287 мингдан зиёд аҳоли истиқомат қилади. Мамлакат 1966 йил 30 ноябрь куни мустақилликка эришган.
Изоҳ (0)