Dunyo va o‘zbek sportiga oid 29-sentabr kunining eng muhim xabarlari dayjesti bilan tanishing.
O‘zbekiston
Superliga 21-turining ikkita o‘yinida VAR tizimi ishlaydiFutbol bo‘yicha O‘zbekiston chempionatining 21-tur bahslari 1—3-oktabr kunlari bo‘lib o‘tadi. PFL mazkur bahslarda faoliyat olib boradigan hakamlar nomini e’lon qildi. Unga ko‘ra, Superliganing ikkita o‘yinida VAR tizimi ishlaydi: “Metallurg” — “Lokomotiv”, “Bunyodkor” — “OKMK”.
Jahon
Jasur Yaxshiboyev Chempionlar Ligasidagi debyut golini “Real” darvozasiga urdi
“Sherif” forvardi YChL 2-turi doirasida kechgan “Real”ga qarshi safar o‘yinida (2:1) jamoasining dastlabki goliga mualliflik qildi. Bu “Sherif” uchun YChL safar o‘yinida urilgan ilk gol bo‘ldi. Yaxshiboyev esa musobaqa doirasida “Real”ga gol urgan Maksim Shatskixdan keyingi ikkinchi o‘zbekistonlik futbolchi bo‘ldi.
Yaxshiboyevning o‘zi bu golni quyidagicha izohladi: “Bolaligimdan ‘Real’ga qarshi o‘ynashni orzu qilardim. Gol urishni ham orzu qilganman, biroq buni amalga oshirishimni tasavvur qilolmagandim”.
Messi “PSJ”dagi debyut golini urdi
Lionel Messi parijliklar safida Chempionlar Ligasi 2-turida “Manchester Siti”ga qarshi bahsda maydonga tushdi. Ushbu bahsda argentinalik futbolchi jamoasining ikkinchi golini urdi. Bu orqali Messi YChLning qatorasiga 17-mavsumida to‘p kiritishga erishdi.
Messi musobaqada APL klublariga qarshi 35 o‘yinda 27 ta gol urdi. Shuningdek, bu o‘yinchi uchun Pep Gvardiola jamoalariga qarshi 7-o‘yindagi 5-gol bo‘ldi.
“Manchester Siti” — kuchli raqib. “Bryugge”ga qarshi o‘yindagi durangdan keyin “PSJ” uchun g‘alaba juda muhim edi. Gol urganimdan xursandman. So‘nggi vaqtlar maydonga tusha olmadim, bu men uchun ushbu stadiondagi ikkinchi o‘yin bo‘ldi. Yangi jamoaga moslashish jarayonidaman.Maoshlarga eng ko‘p pul sarflayotgan La Liga klublari reytingi e’lon qilindiBiz, hujumchilar, qanchalik ko‘proq birga o‘ynasak, shunchalik bir-birimizni yaxshi tushuna olamiz. Barchamiz birgalikda rivojlanishimiz va bor kuchimizni berishda davom etishimiz kerak.
Lionel Messi, “PSJ” futbolchisi
Ispaniyaning Cope nashri La Liga klublarining 2020/21 va 2021/22-yilgi mavsumda maoshlarga qancha mablag‘ sarflayotgani haqida hisobotni e’lon qildi.
Unga ko‘ra, “Real” yakka peshqadam bo‘lib turibdi. O‘tgan mavsum maoshlarga 473 million yevro xarajat qilgan madridliklar joriy mavsumda 739 million sarf qilyapti va bu eng yaqin ta’qibchidan 500 millionga ko‘proq. O‘tgan yili ikkinchi o‘rinda bo‘lgan “Barselona” esa xarajatlarni keskin pasaytirgan (3,5 barobar) va 7-pog‘onaga tushib ketgan.
1. “Real” (2020/21-yilgi mavsumda 473 million yevro sarflagan, 2021/22 – 739 mln);2. “Sevilya” (2020/21 – 183 mln yevro, 2021/22 – 200 mln yevro);3. “Atletiko” (2020/21 – 217 mln yevro, 2021/22 – 171 mln yevro);4. “Vilyarreal” (2020/21 – 140 mln yevro, 2021/22 – 159 mln yevro);5. “Real Sosyedad” (2020/21 – 95 mln yevro, 2021/22 – 127 mln yevro);6. “Atletik” (2020/21 – 110 mln yevro, 2021/22 – 111 mln yevro);7. “Barselona” (2020/21 – 347 mln yevro, 2021/22 – 97 mln yevro).
Menni Pakyao boks bilan xayrlashdi
Professional boksning sakkiz divizionida sobiq jahon chempioni Menni Pakyao sportchilik faoliyatini yakunlagani haqida ma’lum qildi. Avvalroq Pakyao boksni tark etgani haqidagi xabarlarni tasdiqlagandi.
Dunyodagi eng buyuk sport turining buyuk muxlislariga rahmat. Barcha unutilmas xotiralar uchun tashakkur.Avvalroq afsonaviy bokschi Menni Pakyao Flippin prezidentligiga o‘z nomzodini qo‘ygani xabar qilingandi.Bu men qachondir qabul qilgan eng qiyin qaror. Ammo men bunga ko‘nikishga majburman. Orzu qilishdan, chin yurakdan ishlashdan to‘xtamang. Nima bo‘lishini kuzating. Xayr, boks.
Menni Pakyao
Izoh (0)