Дунё ва ўзбек спортига оид 29 сентябрь кунининг энг муҳим хабарлари дайжести билан танишинг.
Ўзбекистон
Суперлига 21-турининг иккита ўйинида VAR тизими ишлайдиФутбол бўйича Ўзбекистон чемпионатининг 21-тур баҳслари 1—3 октябрь кунлари бўлиб ўтади. ПФЛ мазкур баҳсларда фаолият олиб борадиган ҳакамлар номини эълон қилди. Унга кўра, Суперлиганинг иккита ўйинида VAR тизими ишлайди: «Металлург» — «Локомотив», «Бунёдкор» — «ОКМК».
Жаҳон
Жасур Яхшибоев Чемпионлар Лигасидаги дебют голини «Реал» дарвозасига урди
«Шериф» форварди ЕЧЛ 2-тури доирасида кечган «Реал»га қарши сафар ўйинида (2:1) жамоасининг дастлабки голига муаллифлик қилди. Бу «Шериф» учун ЕЧЛ сафар ўйинида урилган илк гол бўлди. Яхшибоев эса мусобақа доирасида «Реал»га гол урган Максим Шацкихдан кейинги иккинчи ўзбекистонлик футболчи бўлди.
Яхшибоевнинг ўзи бу голни қуйидагича изоҳлади: «Болалигимдан ‘Реалъга қарши ўйнашни орзу қилардим. Гол уришни ҳам орзу қилганман, бироқ буни амалга оширишимни тасаввур қилолмагандим».
Месси «ПСЖ»даги дебют голини урди
Лионель Месси парижликлар сафида Чемпионлар Лигаси 2-турида «Манчестер Сити»га қарши баҳсда майдонга тушди. Ушбу баҳсда аргентиналик футболчи жамоасининг иккинчи голини урди. Бу орқали Месси ЕЧЛнинг қаторасига 17-мавсумида тўп киритишга эришди.
Месси мусобақада АПЛ клубларига қарши 35 ўйинда 27 та гол урди. Шунингдек, бу ўйинчи учун Пеп Гвардиола жамоаларига қарши 7-ўйиндаги 5-гол бўлди.
«Манчестер Сити» — кучли рақиб. «Брюгге»га қарши ўйиндаги дурангдан кейин «ПСЖ» учун ғалаба жуда муҳим эди. Гол урганимдан хурсандман. Сўнгги вақтлар майдонга туша олмадим, бу мен учун ушбу стадиондаги иккинчи ўйин бўлди. Янги жамоага мослашиш жараёнидаман.Маошларга энг кўп пул сарфлаётган Ла Лига клублари рейтинги эълон қилиндиБиз, ҳужумчилар, қанчалик кўпроқ бирга ўйнасак, шунчалик бир-биримизни яхши тушуна оламиз. Барчамиз биргаликда ривожланишимиз ва бор кучимизни беришда давом этишимиз керак.
Лионель Месси, «ПСЖ» футболчиси
Испаниянинг Cope нашри Ла Лига клубларининг 2020/21 ва 2021/22 йилги мавсумда маошларга қанча маблағ сарфлаётгани ҳақида ҳисоботни эълон қилди.
Унга кўра, «Реал» якка пешқадам бўлиб турибди. Ўтган мавсум маошларга 473 миллион евро харажат қилган мадридликлар жорий мавсумда 739 миллион сарф қиляпти ва бу энг яқин таъқибчидан 500 миллионга кўпроқ. Ўтган йили иккинчи ўринда бўлган «Барселона» эса харажатларни кескин пасайтирган (3,5 баробар) ва 7-поғонага тушиб кетган.
1. «Реал» (2020/21 йилги мавсумда 473 миллион евро сарфлаган, 2021/22 – 739 млн);2. «Севилья» (2020/21 – 183 млн евро, 2021/22 – 200 млн евро);3. «Атлетико» (2020/21 – 217 млн евро, 2021/22 – 171 млн евро);4. «Вильярреал» (2020/21 – 140 млн евро, 2021/22 – 159 млн евро);5. «Реал Сосьедад» (2020/21 – 95 млн евро, 2021/22 – 127 млн евро);6. «Атлетик» (2020/21 – 110 млн евро, 2021/22 – 111 млн евро);7. «Барселона» (2020/21 – 347 млн евро, 2021/22 – 97 млн евро).
Мэнни Пакьяо бокс билан хайрлашди
Профессионал бокснинг саккиз дивизионида собиқ жаҳон чемпиони Мэнни Пакьяо спортчилик фаолиятини якунлагани ҳақида маълум қилди. Аввалроқ Пакяо боксни тарк этгани ҳақидаги хабарларни тасдиқлаганди.
Дунёдаги энг буюк спорт турининг буюк мухлисларига раҳмат. Барча унутилмас хотиралар учун ташаккур.Аввалроқ афсонавий боксчи Мэнни Пакьяо Флиппин президентлигига ўз номзодини қўйгани хабар қилинганди.Бу мен қачондир қабул қилган энг қийин қарор. Аммо мен бунга кўникишга мажбурман. Орзу қилишдан, чин юракдан ишлашдан тўхтаманг. Нима бўлишини кузатинг. Хайр, бокс.
Мэнни Пакьяо
Изоҳ (0)