“Vaqf” jamoat fondi tomonidan so‘nggi 4 yilda diniy ta’lim sohasiga 9 762 663 247 so‘m xayriya sifatida yo‘naltirilgan. Bu haqda AOKAda o‘tkazilgan brifingda fond axborot xizmati rahbari Saidabror Umarov ma’lum qildi.
O‘zbekiston musulmonlari idorasi tasarrufidagi 3 ta oliy: Imom Buxoriy nomidagi Toshkent islom instituti, Mir Arab oliy madrasasi va Hadis ilmi maktabi hamda 10 ta o‘rta maxsus islom bilim yurtlari faoliyatini moliyalashtirish, ularning professor-o‘qituvchilari, tadqiqotchilari, mutaxassislari va o‘quvchi-talabalarini moddiy va ijtimoiy qo‘llab-quvvatlash uchun:
- 2018-yilda 723 533 386 so‘m;
- 2019-yilda 2 222 700 000 so‘m;
- 2020-yilda 1 410 634 244 so‘m;
- 2021-yilda 2 272 795 617 so‘m xayriya yo‘naltirilgan.
Umumiy hisobda fond o‘z faoliyatini boshlagandan bugunga qadar jami 9 762 663 247 so‘m diniy ta’lim sohasiga xayriya sifatida yo‘naltirilgan.
“Fond tomonidan ushbu xayrli ishlarni amalga oshirishda xorijiy hamkorlar Saudiya Arabistoni, Germaniya va Turkiya kabi davlatlarning ham salmoqli hissalari bor”, – deydi Saidabror Umarov.
Mavzuga doir:
- “Vaqf” fondiga 2021-yilning dastlabki 6 oyida qancha pul kelib tushgani va u nimalarga sarflangani ma’lum qilindi
- Saudiya Arabistoni O‘zbekistondagi “Vaqf” fondiga 20 ming nusxada Qur’oni karim hadya qildi
- “Vaqf” fondi koronavirusdan vafot etgan masjid imom-noibining oilasiga Nukusdan uch xonali uy olib berdi
Izoh (0)