Jons Hopkins universiteti ma’lumotlariga ko‘ra, dunyoda koronavirusga chalinganlar soni 231 898 110 kishini tashkil qilmoqda, shularning 4 749 570 nafari vafot etgan. Shuningdek, ayni paytgacha jahonda 6,105 milliard doza vaksina qo‘llanilgan.
Kasallanganlar soni bo‘yicha AQSh (42,9 million), Hindiston (33,6 million), Braziliya (21,3 million), Buyuk Britaniya (7,7 million) va Rossiya (7,3 million) eng oldinda bormoqda.
2020-yilda umr ko‘rish davomiyligi 2019-yilga nisbatan 29 mamlakatdan 27 tasida, jumladan Yevropaning aksariyat davlatlari va AQShda kamaygan. Bu haqda International Journal of Epidemiology chop etilgan Oksford universitetining tadqiqotidan aytilgan.
Hayot davomiyligining eng katta qisqarishi AQSh va Litvada erkaklar orasida qayd etilgan — mos ravishda 2,2 va 1,7 yilga. 11 mamlakatda erkaklar orasida, sakkiz mamlakatda esa ayollar orasida o‘rtacha umr ko‘rish davomiyligining bir yildan ko‘proqqa qisqargani qayd etilgan.
Tadqiqotchilar umr ko‘rish davomiyligining pasayishini 60 yoshdan oshgan odamlarning hamda COVID-19 ga chalingan bemorlarning o‘limi ortishi bilan bog‘ladi.
Sentabr boshida Rossiya bosh vaziri o‘rinbosari Tatyana Golikova mamlakatda umr ko‘rish davomiyligining past bo‘lishiga asosiy sabab mehnatga layoqatli fuqarolar o‘limining yuqori bo‘lishi ekanini aytgandi.
Mavzuga doir: Olimlar COVID-19 tufayli insoniyatning 20,5 million yillik umri bevaqt tugaganini aniqladi
Professor Nakayama Keyiti rahbarligidagi bir guruh mutaxassislarning ma’lum qilishicha, sun’iy intellekt dasturiy ta’minoti 2,5 milliondan ortiq patogen oqsillar va ularning ta’sirini ushlab tura oladigan kimyoviy birikmalarni o‘rgangan.
Olimlarning fikriga ko‘ra, kerakli dori-darmonlarni topishning an’anaviy usullariga ko‘p vaqt va kuch sarflanadi, chunki ular ko‘plab kimyoviy moddalar bilan ko‘p sonli tajribalar o‘tkazishni talab qiladi.
Xabarda aytilishicha, tizimda bir daqiqada 6 mingtagacha kimyoviy moddalar tahlil qilinadi.
Ishlab chiquvchilarga ko‘ra, dastur koronavirus bilan kurashish uchun avvalgi glaukoma (ko‘ksuv) vositasidan foydalanishni tavsiya qilgan. Shartli hujayralar bilan o‘tkazilgan keyingi tajribalar shuni tasdiqladiki, ushbu preparat virusli infeksiyani to‘xtata oladi.
Nakayamaning ta’kidlashicha, sun’iy intellekt dori-darmonlarni odamlarga qaraganda 10 000 baravar tezroq aniqlay oladi. Shuningdek, ishlab chiqaruvchilar dasturning saraton va boshqa kasalliklarga davo topish jarayonini tezlashtirishiga va soddalashtirishiga umid qilmoqda.
Mavzuga doir: AQShda COVID-19 simptomlari paydo bo‘lishidan himoya qiluvchi dori klinik sinovlardan muvaffaqiyatli o‘tdi
“Biz normal holatga qayta olamiz, deb o‘ylayman. Bu koronavirusning yangi shtammlari paydo bo‘lmaydi degani emas. Menimcha, biz vaksinalarsiz oddiy hayot kechira olmaymiz”, — dedi Burla.
“Bizda koronavirusdan kamida bir yil himoya qiladigan dorilar bo‘ladi. Menimcha, eng haqiqatga yaqin ssenariy — bu har yili aholini emlash”, — deya qo‘shimcha qildi Pfizer rahbari.
Uning so‘zlariga ko‘ra, kompaniya yaqinda o‘z vaksinasi bo‘yicha 5—11 yoshli bolalarda o‘tkazilgan tadqiqot ma’lumotlarini AQShning oziq-ovqat va farmatsevtika idorasiga ko‘rib chiqish uchun taqdim etadi. Burlaning so‘zlariga ko‘ra, tadqiqot ushbu yosh guruhi uchun preparatning samaradorligi va ishonchliligini isbotlagan.
Mavzuga doir: AQSh bosh infeksionisti koronavirusdan keyin normal hayotga qaytish muddatini baholadi
- Shvetsiya bosh epidemiologi Anders Tegnellga ko‘ra, Shvetsiya hukumatining o‘zini yakkalamaslik strategiyasi to‘g‘ri bo‘lgan, chunki bu chora faqatgina o‘lim darajasi past bo‘lgan pandemiyaning birinchi to‘lqinlarida omon qolishga imkon bergan. Tegnell vaksinani koronavirus tarqalishini “oqilona” nazorat qilishning yagona yo‘li deb biladi. “Harqalay, boshqa yo‘l yo‘qdek tuyuladi”, — deydi mutaxassis. Ammo, emlash yordamida ham, COVID-19 dan butunlay qutulishning iloji bo‘lmayapti, deya davom etdi u. “Biz boshidanoq bu biz u bilan yashashni o‘rganishimiz kerak bo‘lgan kasallik ekanini isbotlashga harakat qildik. Tobora ko‘proq davlatlar bu pozitsiyani egallamoqda, chunki hatto mukammal vaksina bilan ham, biz uni faqat nazorat qila olamiz, lekin butunlay yo‘q qila olmaymiz ”, — dedi Tegnell. Uning fikriga ko‘ra, kelajakda odamlar “kasalxonalarda COVID-19 bilan kasallanishning bir nechta holatlari” insoniyat hali to‘liq nazorat qila olmagan “gripp yoki boshqa kasalliklarning bir nechta holatlari” bilan bir xil qabul qilinishiga ko‘nikishi kerak bo‘ladi.
Izoh (0)