Жонс Ҳопкинс университети маълумотларига кўра, дунёда коронавирусга чалинганлар сони 231 898 110 кишини ташкил қилмоқда, шуларнинг 4 749 570 нафари вафот этган. Шунингдек, айни пайтгача жаҳонда 6,105 миллиард доза вакцина қўлланилган.
Касалланганлар сони бўйича АҚШ (42,9 миллион), Ҳиндистон (33,6 миллион), Бразилия (21,3 миллион), Буюк Британия (7,7 миллион) ва Россия (7,3 миллион) энг олдинда бормоқда.
2020 йилда умр кўриш давомийлиги 2019 йилга нисбатан 29 мамлакатдан 27 тасида, жумладан Европанинг аксарият давлатлари ва АҚШда камайган. Бу ҳақда International Journal of Epidemiology чоп этилган Оксфорд университетининг тадқиқотидан айтилган.
Ҳаёт давомийлигининг энг катта қисқариши АҚШ ва Литвада эркаклар орасида қайд этилган — мос равишда 2,2 ва 1,7 йилга. 11 мамлакатда эркаклар орасида, саккиз мамлакатда эса аёллар орасида ўртача умр кўриш давомийлигининг бир йилдан кўпроққа қисқаргани қайд этилган.
Тадқиқотчилар умр кўриш давомийлигининг пасайишини 60 ёшдан ошган одамларнинг ҳамда COVID-19 га чалинган беморларнинг ўлими ортиши билан боғлади.
Сентябрь бошида Россия бош вазири ўринбосари Татьяна Голикова мамлакатда умр кўриш давомийлигининг паст бўлишига асосий сабаб меҳнатга лаёқатли фуқаролар ўлимининг юқори бўлиши эканини айтганди.
Мавзуга доир: Олимлар COVID-19 туфайли инсониятнинг 20,5 миллион йиллик умри бевақт тугаганини аниқлади
Профессор Накаяма Кейити раҳбарлигидаги бир гуруҳ мутахассисларнинг маълум қилишича, сунъий интеллект дастурий таъминоти 2,5 миллиондан ортиқ патоген оқсиллар ва уларнинг таъсирини ушлаб тура оладиган кимёвий бирикмаларни ўрганган.
Олимларнинг фикрига кўра, керакли дори-дармонларни топишнинг анъанавий усулларига кўп вақт ва куч сарфланади, чунки улар кўплаб кимёвий моддалар билан кўп сонли тажрибалар ўтказишни талаб қилади.
Хабарда айтилишича, тизимда бир дақиқада 6 мингтагача кимёвий моддалар таҳлил қилинади.
Ишлаб чиқувчиларга кўра, дастур коронавирус билан курашиш учун аввалги глаукома (кўксув) воситасидан фойдаланишни тавсия қилган. Шартли ҳужайралар билан ўтказилган кейинги тажрибалар шуни тасдиқладики, ушбу препарат вирусли инфекцияни тўхтата олади.
Накаяманинг таъкидлашича, сунъий интеллект дори-дармонларни одамларга қараганда 10 000 баравар тезроқ аниқлай олади. Шунингдек, ишлаб чиқарувчилар дастурнинг саратон ва бошқа касалликларга даво топиш жараёнини тезлаштиришига ва соддалаштиришига умид қилмоқда.
Мавзуга доир: АҚШда COVID-19 симптомлари пайдо бўлишидан ҳимоя қилувчи дори клиник синовлардан муваффақиятли ўтди
«Биз нормал ҳолатга қайта оламиз, деб ўйлайман. Бу коронавируснинг янги штаммлари пайдо бўлмайди дегани эмас. Менимча, биз вакциналарсиз оддий ҳаёт кечира олмаймиз», — деди Бурла.
«Бизда коронавирусдан камида бир йил ҳимоя қиладиган дорилар бўлади. Менимча, энг ҳақиқатга яқин сценарий — бу ҳар йили аҳолини эмлаш», — дея қўшимча қилди Pfizer раҳбари.
Унинг сўзларига кўра, компания яқинда ўз вакцинаси бўйича 5—11 ёшли болаларда ўтказилган тадқиқот маълумотларини АҚШнинг озиқ-овқат ва фармацевтика идорасига кўриб чиқиш учун тақдим этади. Бурланинг сўзларига кўра, тадқиқот ушбу ёш гуруҳи учун препаратнинг самарадорлиги ва ишончлилигини исботлаган.
Шунингдек:- Швеция бош эпидемиологи Андерс Тегнеллга кўра, Швеция ҳукуматининг ўзини яккаламаслик стратегияси тўғри бўлган, чунки бу чора фақатгина ўлим даражаси паст бўлган пандемиянинг биринчи тўлқинларида омон қолишга имкон берган. Тегнелл вакцинани коронавирус тарқалишини «оқилона» назорат қилишнинг ягона йўли деб билади. «Ҳарқалай, бошқа йўл йўқдек туюлади», — дейди мутахассис. Аммо, эмлаш ёрдамида ҳам, COVID-19 дан бутунлай қутулишнинг иложи бўлмаяпти, дея давом этди у. «Биз бошиданоқ бу биз у билан яшашни ўрганишимиз керак бўлган касаллик эканини исботлашга ҳаракат қилдик. Тобора кўпроқ давлатлар бу позицияни эгалламоқда, чунки ҳатто мукаммал вакцина билан ҳам, биз уни фақат назорат қила оламиз, лекин бутунлай йўқ қила олмаймиз», — деди Тегнелл. Унинг фикрига кўра, келажакда одамлар «касалхоналарда COVID-19 билан касалланишнинг бир нечта ҳолатлари» инсоният ҳали тўлиқ назорат қила олмаган «грипп ёки бошқа касалликларнинг бир нечта ҳолатлари» билан бир хил қабул қилинишига кўникиши керак бўлади.
Изоҳ (0)