Taniqli biznesmen, Tesla va SpaceX kompaniyasi asoschisi Ilon Mask qallig‘i — qo‘shiqchi Grayms (haqiqiy ismi Kler Elis Bushe) bilan ajrashdi. Milliarder kenja o‘g‘lining onasi bilan endilikda birga emasligini shaxsan tasdiqlagan, deb xabar beradi “Korrespondent.net”.
“Biz qisman ajrashdik, ammo oldingidek bir-birimizni yaxshi ko‘ramiz, tez-tez ko‘rishib turamiz va yaxshi munosabatdamiz”, — deydi Mask.
Uning so‘zlariga ko‘ra, Mask Texasda ishlab, tez-tez xorijiy safarlarni amalga oshirmoqda, Grayms esa Los-Anjelesda yashayapti.
Eslatib o‘tamiz, juftlik haqida birinchi bor 2018-yilning mayida xabarlar tarqalgan edi. Oradan ikki yil o‘tgach, ular o‘g‘illi bo‘ldi va unga X Æ A-Xii deya ism qo‘ydi. Graymsning so‘zlariga ko‘ra, mazkur ismdagi X — noma’lum o‘zgaruvchi, Æ — Graymsning aytishicha, bu belgi elflar tilida sun’iy ong ma’nosini beradi, shu bilan birga, sevgi so‘zi ham shunday yoziladi, A-12 — juftlikning sevimli samolyoti — Lockheed A-12 hisoblanadi.
Mavzuga doir: Ilon Mask o‘g‘lining ismini unutib qo‘ydi (video)
Izoh (0)