Бразилия президенти Жаир Болсонаро Нью-Йоркда пиццани кўчада ейишига тўғри келди. У коронавирусга қарши эмланмагани сабабли ресторанга киришга рухсат берилмаган, деб ёзади Meduza.
Бразилия раҳбари 2020 йил июль ойида коронавирус билан касалланган бўлса-да, очиқ ва изчил равишда COVID-19 хавфини рад этди. Шунга қарамай, президент ҳали ҳам эмлашдан бош тортмоқда, у буни маънисиз деб ўйлайди, чунки унинг фикрича, у аллақачон антитанага эга.
Президент Болсонаро БМТ Бош ассамблеясида қатнашиш учун Нью-Йоркка учганди. Нью-Йорк мэри Билл ди Блазио Бразилия президентидан алоҳида эмлашни сўраган, лекин у яна рад этган.
Болсонаро пицца ейишга қарор қилганида, у билан шафқатсиз ҳазил қилишди. Уни ресторанга киритишмади, аксинча рестораннинг пардалар билан ўралган айвонидан президентга бурчак ажратилди. Коронавирус билан боғлиқ хавфсизлик чоралари туфайли ресторанларга фақат АҚШ томонидан тасдиқланган вакциналар билан эмланганлар киритилади.
Бироқ суратларга қараганда Болсонаро бундан унчалик ҳам ранжимаган. Аммо шуниси аниқки, пицца катта эҳтимол билан тезда совиб қолган.
Изоҳ (0)