Futbol bo‘yicha Italiya A Seriyasining 6-turidan o‘rin olgan bir qator o‘yinlar 25-sentabr, shanba kuni bo‘lib o‘tdi.
“Milan” “Spetsiya” maydoniga safar qilib, 2:1 hisobidagi g‘alabani qo‘lga kiritdi. 48-daqiqada Daniel Maldini qanotdan oshirilgan to‘pni boshi bilan darvozaga joylab qo‘ydi. 80-daqiqaga kelib Daniele Verde muvozanatni tikladi. Uchrashuvning asosiy vaqti yakunlanishiga 4 daqiqa qolganda esa Brahim Dias milanliklarga g‘alaba keltirgan golga mualliflik qildi.
G‘alabadan so‘ng “Milan” 16 ochko bilan peshqadamga aylandi. “Spetsiya” (4) esa 16-o‘rinni band etgan.
“Inter” o‘z maydonida “Atalanta”ni qabul. Umumiy hisobda 4 ta gol urilgan o‘yinda jamoalar durang natijaga imzo chekdi. Dastlab Lautaro Martines hisobni ochdi. Shundan so‘ng “Atalanta” ikki bor gol urishga muvaffaq bo‘lgandi. Biroq 77-daqiqada Edin Jeko “Inter”ning kombinatsiyasini golga aylantirib, jamoasini mag‘lubiyatdan qutqarib qoldi.
“Inter” 6-turdan keyin 14 ochko bilan 3-o‘rindan joy olgan. Hisobida 11 ochko bo‘lgan “Atalanta” 5-o‘rinni egallab turibdi.
A Seriya
5-tur bahslari
25-sentabr, shanba
“Inter” – “Atalanta” 2:2
Gollar: 1:0 – 5 Martines, 1:1 – 30 Malinovskiy, 1:2 – 38 Toloi, 2:2 – 71 Jeko.“Inter” – Handanovich, Darmian (Dumfris, 57), de Vrey, Shkrinyar, Bastoni (Dimarko, 57), Perishich, Brozovich, Chalxono‘g‘lu (Vesino, 57), Barella (Satriano, 90), Jeko, Martines (Sanches, 81).
“Atalanta” – Musso, Zappakosta (Pashalich, 77), Palomino (Mele, 70), Toloi, Demiral, Gozens, de Ron, Froyler, Pessina (Gimshiti, 63), Malinovskiy (Ilichich, 62), Sapata (Pikkoli, 63).
Ogohlantirishlar: Malinovskiy (4), Bastoni (12), Palomino (19), Sapata (21), Chalxono‘g‘lu (43), Zappakosta (64), Barella (70), Toloi (90).
“Spetsiya” – “Milan” 1:2
Gollar: 0:1 – 48 Maldini, 1:1 – 80 Verde, 1:2 – 86 Brahim Dias.“Spetsiya” – Zut, Amyan, Nikolau, Xristov, Bastoni, Sala (Verde, 65), Burabiya, Madjore (Ferrer, 64), Antist (Manay, 65), Nzola, Jasi (Strelets, 79).
“Milan” – Menyan, Kalulu (Kalabriya, 72), Romanoli, Tomori, Ernandes, Kessie (Brahim Dias, 82), Salemakers, Tonali, Jiru (Pellegri, 46), Rebich (Rafael Leau, 46), Maldini (Bennaser, 59).
Ogohlantirishlar: Sala (25), Maldini (58), Teo (90).
Izoh (0)