Xiaomi kompaniyasi Xitoyda 8K sifatli o‘zining ilk premium televizorini sotuvga chiqardi, deb xabar beradi Hi-Tech.Mail.ru.

Foto: Hi-Tech.Mail.ru

Xiaomi Mi TV LUX faqatgina o‘zining sifat tiniqligi bilan qimmat turmaydi, balki uning diagonali ham ulkan — 82 dyuymli panel. Kompaniya 2000 nitli yorug‘lik va 930 zonli lokal yoritishni va’da qilgan bo‘lib, umumiy kontrast 400 000:1 ga teng.

Yagona kamchiligi — Mi TV LUX matritsasi 60 gertsli yangilanish chastotasida ishlaydi. Ammo bugungi kunda qimmat 4K-televizorlar uchun 120 gerts standartga aylangan. Shunga qaramay, Xiaomi’ning yangi televizori HDR10+ hamda 8K’gacha bo‘lgan past sifatdagi kontentlarni ham qo‘llab-quvvatlaydi.

Shuningdek, ushbu televizorga 5G-model ham o‘rnatilgan. Bugungi kunda Xitoyda mobil internetning yangi avlodi rivojlanmoqda, shu sababli hozirda uning tezligi simli internet bilan bellasha oladi. Android TV’da ishlaydigan televizorga 4 gigabayt tezkor va 256 gigabayt ichki xotira o‘rnatilgan.

Ayni vaqtda ushbu televizorni Xitoyda 49 999 yuanga (7500 dollar) xarid qilish mumkin.

Avvalroq Janubiy Koreyada LG’ning “rulon-televizor”i 88 ming dollar qiymatida sotuvga chiqqani to‘g‘risida xabar berilgandi.