Rolls-Royce kompaniyasi elektrosamolyotini ilk sinovdan o‘tkazdi

Britaniyaning avtomobil ishlab chiqaruvchi Rolls-Royce kompaniyasi o‘zining Spirit of Innovation nomli elektrosamolyotining ilk parvozini amalga oshirdi. Bu haqda kompaniya saytida ma’lum qilingan, deb yozadi Esquire.

Ta’kidlanishicha, sinov Buyuk Britaniyada bo‘lib o‘tgan. Samolyot Britaniya Mudofaa vazirligining “Boskomb Daun” aerodromidan uchirilgan. Apparat havoda 15 daqiqaga yaqin vaqt davomida bo‘lgan. Loyihaning 50 foizi Buyuk Britaniya hukumati tomonidan moliyalashtirilgan. Energiya tejovchi batareya o‘rnatilgan samolyot dvigatelining kuchi 400 kVt (taxminan, 544 ot kuchiga teng)ni tashkil qiladi. Samolyot soatiga 480 kilometrgacha harakatlanishi mumkin.

Rolls-Royce jamiyatga havo, yer va suvda transportni dekarbonizatsiyalash uchun kerak bo‘lgan innovatsiya ustida ishlayotganini bildirgan. Xususan, kompaniya 2026-yilga qadar to‘liq o‘lchamli elektr yo‘lovchi samolyotini tayyorlashni, 2050-yilda esa butkul ekologik toza mahsulotlar ishlab chiqarishni rejalashtirmoqda, deyiladi xabarda.