Ichki ishlar vazirining shaxsiy tarkib bo‘yicha buyrug‘i bilan lavozim tayinlovlari amalga oshirildi. Bu haqda IIV axborot xizmati xabar berdi.
Katta leytenant Nilufar To‘raxonova Ichki ishlar vazirligi Jamoatchilik va ommaviy axborot vositalari bilan aloqalar boshqarmasi boshlig‘i o‘rinbosari — Media markaz boshlig‘i lavozimiga tayinlandi. Tayinlovga qadar Nilufar To‘raxonova IIV Jamoatchilik va ommaviy axborot vositalari bilan aloqalar boshqarmasi, Mass-media bilan ishlash guruhining muhim topshiriqlar bo‘yicha inspektori lavozimida faoliyat yuritgan.
Polkovnik Dilmurod Mirsodiqov Toshkent shahar IIBB boshlig‘ining o‘rinbosari — IIBB huzuridagi tergov boshqarmasi boshlig‘i vazifasini bajaruvchisi lavozimiga tayinlandi. Tayinlovga qadar Dilmurod Mirsodiqov Toshkent shahar IIBB huzuridagi tergov boshqarmasi boshlig‘ining o‘rinbosari lavozimida faoliyat yuritgan.
Podpolkovnik G‘ayrat Rahmatullayev Farg‘ona viloyati IIB boshlig‘ining o‘rinbosari-jamoat xavfsizligi xizmati boshlig‘i lavozimiga tayinlandi. Tayinlovga qadar G‘ayrat Rahmatullayev Farg‘ona viloyati IIB boshlig‘ining jamoat tartibini saqlash bo‘yicha o‘rinbosari lavozimida faoliyat yuritgan.
Podpolkovnik Oybek Xo‘jaqulov Namangan viloyati IIB boshlig‘ining o‘rinbosari-jamoat xavfsizligi xizmati boshlig‘i lavozimiga tayinlandi. Tayinlovga qadar Oybek Xo‘jaqulov Namangan viloyati IIB boshlig‘ining o‘rinbosari —huquqbuzarliklar profilaktikasi boshqarmasi boshlig‘i lavozimida faoliyat yuritgan.
Podpolkovnik Sherzod Ibrohimov Navoiy viloyati IIB boshlig‘ining o‘rinbosari-jamoat xavfsizligi xizmati boshlig‘i lavozimiga tayinlandi. Tayinlovga qadar Sherzod Ibrohimov Navoiy viloyati IIB boshlig‘ining jamoat tartibini saqlash bo‘yicha o‘rinbosari lavozimida faoliyat yuritgan.
Podpolkovnik Umid Mavlonov Sirdaryo viloyati IIB boshlig‘ining o‘rinbosari-jamoat xavfsizligi xizmati boshlig‘i lavozimiga tayinlandi. Tayinlovga qadar Umid Mavlonov Sirdaryo viloyati IIB boshlig‘ining jamoat tartibini saqlash bo‘yicha o‘rinbosari lavozimida faoliyat yuritgan.
Podpolkovnik Omirbay Turdiboyev Qoraqalpog‘iston Respublikasi IIV Xo‘jayli tumani IIB boshlig‘i lavozimiga tayinlandi. Tayinlovga qadar Omirbay Turdiboyev Qoraqalpog‘iston Respublikasi Ichki ishlar vazirining o‘rinbosari-huquqbuzarliklar profilaktikasi boshqarmasi boshlig‘i lavozimida faoliyat yuritgan.
Podpolkovnik Elyor Yahyoyev Navoiy viloyati IIB Zarafshon shahar ichki ishlar bo‘limi boshlig‘i lavozimiga tayinlandi. Tayinlovga qadar Elyor Yahyoyev Navoiy viloyati IIB Jinoyat qidiruv boshqarmasi boshlig‘ining o‘rinbosari-korrupsiya va iqtisodiy jinoyatlarga qarshi kurashish bo‘limi boshlig‘i lavozimida faoliyat yuritgan.
Mayor Sherxon Allamurotov Surxondaryo viloyati IIB Jarqo‘rg‘on tumani ichki ishlar bo‘limi boshlig‘i lavozimiga tayinlandi. Tayinlovga qadar Sherxon Allamurotov Surxondaryo viloyati IIB Jinoyat qidiruv boshqarmasi boshlig‘ining birinchi o‘rinbosari-o‘zgalar mulkini talon-toroj qilishga qarshi kurashish bo‘limi boshlig‘i lavozimida faoliyat yuritgan.
Avvalroq Koson tumani IIB boshlig‘i Shahrisabz IIBga boshliq etib tayinlangani, Navoiy va Andijon viloyati IIBga yangi boshliqlar tayinlangani, Toshkent shahar IIBBda tayinlovlar amalga oshirilgani, Uychi va Kosonsoy tumanlari IIB boshliqlari o‘zgargani to‘g‘risida xabar berilgandi.
Izoh (0)