Xo‘jaobod va Qorovulbozor tumanlariga yangi IIB boshliqlari tayinlandi

O‘zbekiston Ichki ishlar vazirligida bir qator tayinlovlar amalga oshirildi, deya xabar qilmoqda vazirlik matbuot xizmati.

Xususan, ichki ishlar vazirining shaxsiy tarkib bo‘yicha buyrug‘i bilan podpolkovnik Rustam Jaloldinov Andijon viloyati Xo‘jaobod tumani IIB boshlig‘i lavozimiga tayinlandi.

Tayinlovga qadar Jaloldinov shu yerning o‘zida IIB boshlig‘ining birinchi o‘rinbosari — tezkor-qidiruv xizmati boshlig‘i lavozimida faoliyat yuritgan.

Shuningdek, mayor Farhod Vafoyev Buxoro viloyati Qorovulbozor tumani IIB boshlig‘i vazifasini bajaruvchi etib tayinlangan.

Tayinlovga qadar Farhod Vafoyev Kogon tumani IIB boshlig‘ining birinchi o‘rinbosari lavozimida faoliyat yuritgan.

Eslatib o‘tamiz, iyun oxirlarida Qorovulbozor tumani IIB boshlig‘i lavozimida ishlab kelgan podpolkovnik Fayzulla Ismoilov Buxoro viloyati Olot tumani IIB boshlig‘i lavozimiga tayinlangandi.

Avvalroq Koson tumani IIB boshlig‘i Shahrisabz IIBga boshliq etib tayinlangani, Navoiy va Andijon viloyati IIBga yangi boshliqlar tayinlangani, Toshkent shahar IIBBda tayinlovlar amalga oshirilgani, Uychi va Kosonsoy tumanlari IIB boshliqlari o‘zgargani to‘g‘risida xabar berilgandi.