O‘zbekiston Markaziy Osiyodagi eng jadal rivojlanayotgan davlatlardan biri sifatida mintaqada xavfsizlikni saqlashda muhim rol o‘ynaydi. Bu haqda 20-sentabr kuni Toshkentda bo‘lib o‘tgan xalqaro anjumanining ochilishida Rossiya tashqi ishlar vazirining o‘rinbosari Andrey Rudenko aytib o‘tdi, deb xabar bermoqda “Daryo” muxbiri.
“O‘zbekiston Markaziy Osiyodagi eng jadal rivojlanayotgan davlatlardan biri sifatida mintaqada xavfsizlikni saqlashda muhim rol o‘ynaydi. Bu qo‘shni Afg‘onistondagi vaziyatni hisobga olgan holda, ayniqsa, dolzarb masaladir”, — dedi u “Rossiya va O‘zbekiston hamkorligining yangi tarixiy bosqichidagi taraqqiyot va xavfsizlik tahdidlari” nomli xalqaro anjumanda.
Rossiyalik diplomat ShHTga raislik O‘zbekistonga o‘tganini ham qayd etdi. Andrey Rudenkoning bildirishicha, O‘zbekiston hozirda tashkilot oldida turgan vazifalarni muvaffaqiyatli hal eta oladi.
Ushbu tadbirda Andrey Rudenko Shavkat Mirziyoyevning Rossiyaga davlat tashrifiga tayyorgarlik ko‘rilayotganini, O‘zbekiston Jahon savdo tashkilotiga kirishida Rossiya zarur ko‘mak berishga tayyorligini ham aytgandi.
Izoh (0)