Rossiyaning Perm davlat universitetiga qurollangan talaba hujum qilgani haqida xabar berilgandi. O‘zbekiston Tashqi ishlar vazirligi rasmiy vakili Yusuf Kabuljonov ma’lumot berdi.
Rasmiy vakilning ma’lum qilishicha, Perm davlat milliy tadqiqot universitetida ro‘y bergan otishmada jarohatlangan va halok bo‘lganlar orasida O‘zbekiston fuqarolari qayd etilmagan.
Vaziyat O‘zbekistonning Qozon shahridagi Bosh konsulxonasi tomonidan nazoratga olingan.
Eslatib o‘tamiz, 20-sentabr kuni ertalab Rossiyaning Perm davlat milliy tadqiqot universitetiga qurollangan shaxs hujum qildi. Tergov qo‘mitasi xabariga ko‘ra, otishmada sakkiz kishi halok bo‘lgan. Universitetga hujum qilgan shaxs – 18 yoshli Timur Bekmansurov qo‘lga olingan.
Izoh (0)