Namangan viloyati hokimi Shavkat Abdurazzoqovga yangi yordamchi tayinlandi. Bu haqda “Daryo” muxbiri Azizbek Abduvaliyev xabar bermoqda.
Viloyat hokimining 2021-yil 17-sentabrdagi qarori bilan Ayubxon Bobomirzayev Namangan viloyati hokimining mahalliy sanoatni rivojlantirish masalalari bo‘yicha yordamchisi lavozimiga tayinlandi.
Ayubxon Bobomirzayev 1971-yil Namangan shahrida tug‘ilgan. 1993-yili Namangan sanoat-texnologiya instituti, 2003-yili Namangan muhandislik-pedagogika instituti, 2005-yili Prezident huzuridagi Davlat va jamiyat qurilishi akademiyasini tamomlagan.
U mazkur tayinlovga qadar Namangan viloyat Turizm va sport bosh boshqarmasi boshlig‘ining o‘rinbosari lavozimida faoliyat yuritib kelayotgan edi.
Izoh (0)