Наманган вилояти ҳокими Шавкат Абдураззоқовга янги ёрдамчи тайинланди. Бу ҳақда «Дарё» мухбири Азизбек Абдувалиев хабар бермоқда.
Вилоят ҳокимининг 2021 йил 17 сентябрдаги қарори билан Аюбхон Бобомирзаев Наманган вилояти ҳокимининг маҳаллий саноатни ривожлантириш масалалари бўйича ёрдамчиси лавозимига тайинланди.
Аюбхон Бобомирзаев 1971 йил Наманган шаҳрида туғилган. 1993 йили Наманган саноат-технология институти, 2003 йили Наманган муҳандислик-педагогика институти, 2005 йили Президент ҳузуридаги Давлат ва жамият қурилиши академиясини тамомлаган.
У мазкур тайинловга қадар Наманган вилоят Туризм ва спорт бош бошқармаси бошлиғининг ўринбосари лавозимида фаолият юритиб келаётган эди.
Изоҳ (0)