Fransiya chempionatining 5-turida “PSJ” 11-sentabr, shanba kuni “Klermon”ga qarshi bahs olib bordi.
Parijda o‘tgan o‘yinda “PSJ” raqib darvozasiga javobsiz 4 ta to‘p kiritdi. Birinchi bo‘limda Ander Errera 11 daqiqa oralig‘ida ikki bor gol urib, jamoasini hisobda oldinga olib chiqdi.
O‘yinning ikkinchi yarmida Kilian Mbappe va Idrissa Guye ham o‘z nomiga bittadan gol yozdirib qo‘ydi.
Shu tariqa Parij klubi navbatdagi g‘alabani tantana qildi. Mazkur uchrashuvda endigina terma jamoa ixtiyoridan qaytgan Lionel Messi, Neymar, Anxel di Mariya kabi futbolchilar “PSJ” safida maydonga tushmadi.
G‘alabadan so‘ng ochkolari 15 taga yetgan “PSJ” musobaqa jadvalida peshqadamlik qilmoqda. “Klermon” (8) esa 3-pog‘onani band etgan.
Liga 1
5-tur bahsi
11-sentabr, shanba
“PSJ”– “Klermon” 4:0
Gollar: 1:0 – 20 Errera, 2:0 – 31 Errera, 3:0 – 55 Mbappe, 4:0 – 65 Guye.“PSJ” – Donnarumma, Hakimi (Kerer, 72), Markinyos, Kimpembe (Bitumazala, 80), Diallo, Errera, Guye (Ebimbe, 72), Danilu Pereyra, Draksler (Mendesh, 86), Rafinya, Mbappe (Ikardi, 79).
“Klermon” – Dema, Zedadka, Ojye (Billong, 73), Untonji, Nsimba, Gastyen (Iglesias, 86), Bertomye (Kaui, 62), Dossu (Tel, 73), Abdul-Samed, Amel, Allevina (Rashani, 62).
Ogog‘lantirish: Zedadka (10).
Izoh (0)