Франция чемпионатининг 5-турида «ПСЖ» 11 сентябрь, шанба куни «Клермон»га қарши баҳс олиб борди.
Парижда ўтган ўйинда «ПСЖ» рақиб дарвозасига жавобсиз 4 та тўп киритди. Биринчи бўлимда Андер Эррера 11 дақиқа оралиғида икки бор гол уриб, жамоасини ҳисобда олдинга олиб чиқди.
Ўйиннинг иккинчи ярмида Килиан Мбаппе ва Идрисса Гуйе ҳам ўз номига биттадан гол ёздириб қўйди.
Шу тариқа Париж клуби навбатдаги ғалабани тантана қилди. Мазкур учрашувда эндигина терма жамоа ихтиёридан қайтган Лионель Месси, Неймар, Анхель ди Мария каби футболчилар «ПСЖ» сафида майдонга тушмади.
Ғалабадан сўнг очколари 15 тага етган «ПСЖ» мусобақа жадвалида пешқадамлик қилмоқда. «Клермон» (8) эса 3-поғонани банд этган.
Лига 1
5-тур баҳси
11 сентябрь, шанба
«ПСЖ»– «Клермон» 4:0
Голлар: 1:0 – 20 Эррера, 2:0 – 31 Эррера, 3:0 – 55 Мбаппе, 4:0 – 65 Гуйе.«ПСЖ» – Доннарумма, Ҳакими (Керер, 72), Маркиньос, Кимпембе (Битумазала, 80), Диалло, Эррера, Гуйе (Эбимбе, 72), Данилу Перейра, Дракслер (Мендеш, 86), Рафинья, Мбаппе (Икарди, 79).
«Клермон» – Дема, Зедадка, Оже (Биллонг, 73), Унтонжи, Нсимба, Гастен (Иглесиас, 86), Бертоме (Кауи, 62), Доссу (Тел, 73), Абдул-Самед, Амел, Аллевина (Рашани, 62).
Огоғлантириш: Зедадка (10).
Изоҳ (0)