Jizzax viloyati Paxtakor tumanida og‘ir texnika bosib ketishi oqibatida voyaga yetmagan shaxs vafot etdi, deya xabar qilmoqda viloyat YHXB axborot xizmati.
Qayd etilishicha, 2021-yil 7-sentabr soat 17:10 lar atrofida tuman Yo‘llardan foydalanish unitar korxonasiga tegishli “Katok” rusumli asfalt tekislovchi texnikada velosipedda yurgan voyaga yetmagan, 2016-yil tug‘ilgan bolani bosib ketgan.
Oqibatda 5 yoshli bola voqea joyida halok bo‘lgan.
Aniqlanishicha, voqeaga texnika xavfsizlik qoidalariga amal qilinmagani, xususan, texnika yaqinida nazoratchi bo‘lmagani sabab bo‘lgan.
Mazkur holat yuzasidan korxona rahbariga nisbatan Ma’muriy javobgarlik to‘g‘risidagi kodeksning 147-moddasi (yo‘llarga, yo‘l inshootlariga, yo‘l harakatini tartibga solib turuvchi texnik vositalarga shikast yetkazish, ularni saqlash qoidalarini buzish) bilan ma’muriy bayonnoma tuzilgan.
Mavzuga doir:
- Farg‘onada YPX xodimining talabiga bo‘ysunmay, qarama-qarshi yo‘nalishda harakatlangan Lacetti’ni 14 yoshli o‘smir boshqargani aniqlandi
- Namanganda yo‘ldan o‘tayotgan 22 yoshli piyoda Nexia urib yuborishi oqibatida vafot etdi
- Аndijonda voyaga yetmagan bola boshqaruvidagi avtomobil ishtirokida YTH sodir bo‘ldi. Oqibatda haydovchining 13 yoshli ukasi vafot etdi
Izoh (0)