Namangan shahrida Telegram’dagi sir saqlanishi lozim bo‘lgan so‘zlashuvni internetda tarqatish bilan qo‘rqitib, 17 yoshli qizdan pul talab qilgan 20 yoshli yigit ushlandi, deya xabar qilmoqda viloyat IIB axborot xizmati.
Qayd etilishicha, 2021-yil 30-avgust kuni Namangan shahrida yashovchi, 2004-yilda tug‘ilgan qiz ariza bilan murojaat qilib, tanishi, Namangan shahrida yashovchi, 2001-yilda tug‘ilgan bola u bilan tanishib, Telegram’da sir saqlanishi lozim bo‘lgan so‘zlashuvlar va videoyozuvlarni tarqatib yuborishini aytib, uni qo‘rqitib, undan 150 000 so‘m va 200 AQSh dollarini talab qilayotganini ma’lum qilib, chora ko‘rishni so‘ragan.
Mazkur ariza yuzasidan Yangi Namangan tumani IIB JQB tezkor vakillari tomonidan o‘tkazilgan tezkor tadbir davomida Namangan shahrida joylashgan “Adiblar maydoni” oldida bola arizachidan 200 AQSh dollari olgan vaqtida ashyoviy dalil bilan ushlangan.
Ushbu holat bo‘yicha Namangan shahar IIO FMB huzuridagi TB tomonidan 2021-yil 1-sentabr kuni Jinoyat kodeksining 165-moddasi 1-qismi (tovlamachilik) bilan jinoyat ishi qo‘zg‘atilgan.
Ushbu modda bilan aybdor deb topilgan shaxslar uch yildan besh yilgacha ozodlikni cheklash yoxud uch yildan besh yilgacha ozodlikdan mahrum qilish bilan jazolanadi.
Mavzuga doir:
- Xorazmda yozgan arizasini qaytarib olish uchun korxona rahbaridan 180 mln so‘m talab qilgan shaxs ushlandi
- Farg‘onada o‘zi bilan ishqiy munosabatda bo‘lgan erkak videosini tarqatmaslik evaziga undan 150 ming dollar talab qilgan ayol va sheriklariga sud hukmi o‘qildi
- Yashnobodda u bilan ishqiy munosabatda bo‘lgan erkakning foto va videolarni tarqatmaslik uchun 200 mln so‘m undirgan ayol ushlandi
Izoh (0)