Namangan viloyati Mingbuloq tumanida “Gazel” velosipedchini urib yubordi, deya xabar qilmoqda viloyat IIB axborot xizmati.
Qayd etilishicha, 2021-yil 31-avgust kuni soat 21:40 larda Mingbuloq tumani “Qo‘shqishloq” MFY hududida Mingbuloq tumanida yashovchi, 1988-yilda tug‘ilgan fuqaro “Gazel” rusumli avtomashinasini boshqarib borayotib, harakat xavfsizligini ta’minlay olmay, yo‘lni kesib o‘tayotgan velosipedchi, Mingbuloq tumanida yashovchi, 1997-yilda tug‘ilgan fuqaroni urib yuborgan.
Oqibatda velosipedchi olgan tan jarohati oqibatida shifoxonada vafot etgan.
Ushbu holat bo‘yicha Mingbuloq tumani IIB huzuridagi TB tomonidan 2021-yil 1-sentabr kuni Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Izoh (0)